Roff Industries voorsien in elke mieliemeulenaar se behoefte. Boere kan dié bielies vanjaar op Nampo te sien kry.
Roff kan nou aan al die behoeftes voldoen van boere, meulenaars en landbou-entrepreneurs wat die mieliemeelmark betree. Die nuut vrygestelde R-10 is ’n kompakte mieliemeule wat supermieliemeel teen 24 ton per dag en 540 ton per maand kan lewer en is ideaal vir die intreevlak. Die vlagskip-R-70 maal 50 ton per dag en kan maklik opgegradeer word tot ’n vermoë van 100 ton per dag. Die kommersiële C-80 word op Nampo amptelik bekend gestel. Hierdie bielie maal 120 ton per dag en kan aangepas word om 350 ton per dag te maal.
Alle Roff-meulens bied ’n mededingende voordeel met mieliemeel van topgehalte en uitstekende ektraksiekoerse. Die R-70 behaal ’n ekstraksie van tussen 70% en 74% – heelwat beter as die 68% tot 70% wat in die maalbedryf as aanvaarbaar beskou word. Elke eienaar kan ook verseker wees van Roff se volgehoue ondersteuning deur ’n plaaslike tegniese span, asook ’n onderhoudsplan wat verseker dat staantyd minimaal en van korte duur is.
WAARDETOEVOEGING
’n Eie mieliemeule bied verskeie aanloklike voordele vir saai- én veeboere.
Saaiboere kan hul eie mielies maal en sodoende die eindproduk – mieliemeel van topgehalte – aan die eindverbruiker lewer. ’n Neweproduk van die maalproses is voedingsryke mieliesemels (hominy chop )– ideale veevoer vir eie gebruik – of dit kan aan ander veeboere of voerkrale verkoop word.
MEER OOR ROFF
Roff Industries is ’n leier in die ontwerp en bou van hoëgehalte-mieliemeulaanlegte.
Die maatskappy help sy kliënte elke tree van die pad: van die beplanning van geboue tot die pasmaking en installering van die maaltoerusting. Ongeag die grootte van jou maalbedryf het Roff die geskikte produk – van die intreevlak-R-10 tot die kommersiële C80.
Die maatskappy is in 1991 gestig as ’n vervaardiger van bekostigbare mieliemeulaanlegte, hamermeulens en rollermeulens vir die voedsel- en veevoerbedryf. Roff is verbind tot bekostigbare, kompakte meulens van uitstekende gehalte.
’n Groot vervaardigingsaanleg verseker die verskaffing van kostedoeltreffende toerusting en ’n vinnige omkeertyd.
Meer as 15 opgeleide tegnici is beskikbaar vir die installering, diens en instandhouding van kliënte se toerusting op hul persele, terwyl die ontwerpspan 3D-ontwerpe van hoë gehalte kan lewer. Roff spog ook met omvattende ervaring in projekbestuur.
Kom besoek dié maatskappy vanjaar op Nampo! sales@roff. co.za; www.roff.co.za; 056 212 2697/6. Bylae tot Landbouweekblad