Die Water Infra-groep van Kroonstad in die Vrystaat is al 53 jaar lank betrokke by die ontwikkeling en ontwerp van reservoirs.
Die Water Infra-groep het drie hoofontwerpe vir reservoirs, naamlik Erichsen, Circa Flow Zinc-Al en Infra-Staal. Al die ontwerpe word aan streng ingenieurstandaarde onderwerp. Danksy die Water Infra-groep se bykomende veiligheidsmeganismes is kliënte verseker van ’n reservoirstelsel van hoogstaande gehalte.
Die reservoirs word algemeen in die Suid-Afrikaanse landbou-, bosbou- en mynboubedryf gebruik en ook landwyd by munisipaliteite. Danksy navorsing en ontwikkeling is die Water Infra-groep ’n leier in wateropgaring en -bestuur, met die klem op duursaamheid en kostedoeltreffendheid.
CIRCA-FLOW ZINC-AL
Die Circa-Flow Zinc-Al-reservoir het ’n ligte struktuur, wat vooraf vervaardig is in ’n gespesialiseerde fabriek waar streng beheer oor gehalte en akkuraatheid uitgeoefen word. Dit bestaan uit Zinc-Al-golfplate met ’n hoë treksterkte wat krag aan die struktuur verskaf en aan SABS-standaarde voldoen.
Die gewildheid van dié reservoirstelsel, veral in die landboubedryf, is nie net danksy kostedoeltreffendheid nie, maar omdat minimale terreinvoorbereiding daarvoor nodig is.
Die houvermoë van die CircaFlow Zinc-Al-reservoirs wissel van 18 kiloliter tot 330 kiloliter en het verskillende dieptes.
INFRA-STAAL
Die Infra-Staal-reservoir is só ontwerp dat die deursnee en diepte vir verskillende kliënte aangepas kan word. Die Circa-Flow Zinc-Al en InfraStaal-reservoirs word met die swaardiensvoering CPL 1500 uitgevoer en is nie nét geskik vir die opgaar van water nie, maar ook vir swaarder vloeistowwe.
Die Infra-Staal-reservoir is uniek. Dit het ’n vernuwende stelsel wat met ’n houvermoë van tot 3,5 megaliter vervaardig en opgerig kan word. info@ waterinfra.co.za; www.waterinfra.co.za; 087 625 0789 082 771 3402 082 921 5802; 056 212 1941.