Algar-veetoerusting se naam is vir veeboere sinoniem met betroubare oplossings vir veehantering.

Algar van Carletonville lewer eg Suid-Afrikaans ontwerpte produkte wat betroubaar en sterk is. Beesboere kan uit verskeie produkte kies, waaronder ’n hanteergang, nekklamp, lyfklamp, KI-toegangshek, verstelbare gangpanele, terugloop-gangstop, drukgang, kraaltralies en -hekke, skuifbare fuik, laaibank, heupklamp, weegkrat en weegplatform.

Vir kleinveeboere is daar toerusting, soos Algar se skaapkrat, fuik, skuifhek, sorteerhek, drukgang en tralies. Die skaapkantelaar is een van die nuwe produkte wat skaaphantering soveel makliker maak.

Ander toerusting sluit in elektroniese weegskale, mobiele eenhede, baalvoerringe wat tot vyf bale kan hou, en ’n voerrak vir perde.

Algar se produkte word vervaardig uit die volgende staal: 3 mm-hoëdiensreeks, 2 mm-ligtediens en die standaardreeks.

Die hoëdiens- en ligtediensreekse is gewoonlik van vierkantige staalpyp en die meer bekostigbare standaardreeks is uit ronde staalpyp vervaardig.

Om roes en skade te voorkom, word staalstrukture behandel met ’n onderlaag (edge primer), waarna twee lae UVbestande verf ’n netjiese, duursame afwerking aan Algar se produkte verleen.

Gegalvaniseerde afwerkings is ook beskikbaar. www.algar. carin@algar.co.za; www.facebook.com/ AlgarVeetoerusting/; 082 324 6256. co.za;

Dié lyf- en nekklamp vir beeste het ’n opsionele raamwerk aan die agterkant wat kunsmatige inseminasie geriefliker maak. Nog ’n voordeel is dat die nekklamp se twee dele met ’n reguit aksie oopmaak en nie met ’n skêr-aksie nie. Verskeie toegangshekkies...