Padvragvervoer in Afrika vereis ’n ondersteuningsnetwerk, puik inligting oor lande se doeane- en grensbeheervereistes, ’n goeie nasporingsproses en ’n praktiese kennis van infrastruktuur.
Goedere wat na en van Suid-Afrika se hawens verskeep word, moet dikwels na verafgeleë bestemmings vervoer word. Mnr. Detlev Duve, besturende direkteur van Dachser Suid-Afrika, sê dié maatskappy bied al langer as 30 jaar ’n mededingende, toegewyde oorgrenskonsolidasieen padvervoerdiens. Dachser Suid-Afrika werk saam met kliënte om te verseker die logistieke reëlings voorsien in hul behoeftes.
Dié verbintenis word weerspieël in Dachser Suid-Afrika se jare lange verhouding met ’n multinasionale voedselvervaardigingsmaatskappy wat ontbytkos en verwante produkte padlangs van sy Suid-Afrikaanse fabriek na onder meer Zambië en Zimbabwe vervoer.
Dachser Suid-Afrika bestuur die verskaffingsketting deur ’n digitale intydse platform wat verseker dat die kliënt en die ontvanger te alle tye kan vasstel waar die besending is.
Nog maatskappye bied dié opsie, maar dit kan vertraag word deur administratiewe prosesse en die tydsverloop tussen die vertrekpunt en die eindbestemming. Duve sê Dachser Suid-Afrika voorkom dié probleme deur streng protokolle en gedetailleerde prosesse, soos die verwerking van dokumente by die grenspos voordat die vrag gelaai word en die vrystelling van alle verskepings voor die aankoms en daaropvolgende vertrek van die vragmotor.
Nog ’n waardetoevoeging is die kennisgewingstydperk van 24 uur oor die beskikbaarheid van vragmotors. Dit is van groot waarde in ’n maatskappy se verskaffingskettings, wat pal onder druk is. Dit beteken ’n kliënt word 24 uur voordat hy laai in kennis gestel om te verseker genoeg voertuie is beskikbaar. dachser.com/za/ www. 011 396 1113.