’n Goeie oplossing vir die opgaar van water wen vinnig veld namate boere kostedoeltreffende en plooibare opsies soek om dié kosbare hulpbron te bewaar.
Die gepatenteerde Damsak is ’n versterkte polivinielchloried-sak (PVC bladder ), wat van 500 liter tot 200 000 liter vloeistof kan opberg. Die Damsak weeg van 4 kg tot 220 kg.
Benewens water kan dit vir die meeste vloeistowwe gebruik word. ’n Wes-Kaapse besigheid het byvoorbeeld 3 000 000 liter rooiwyn in vyftien 200 000 literDamsakke opgeberg.
Die toe, donker omgewing binne die Damsak voorkom die groei van alge en verdamping, en die inhoud kan nie besoedel raak nie.
Prof. Gordon Bredenkamp, uitvinder van die Damsak, het die produk in 2007 vir persoonlike gebruik ontwerp. “Ons het ’n betroubare waterreservoir op ons plaas nodig gehad en die Damsak is só gebore.”
Die kommersiële gebruik van die produk het die afgelope 11 jaar vinnig gegroei namate Suid-Afrika se waterskaarste al hoe duideliker geword het.
Om by te hou met die vraag, het Bredenkamp Rhino Water aangestel as primêre verspreidingsagent van die produk in Suid-Afrika.
Rhino Water moet verseker die produk is onder meer beskikbaar in die droogtegeteisterde Oos- en Wes-Kaap.
Mnr. Sarel Bam, besturende direkteur van Rhino Water, sê die maatskappy is opgewonde om die produk te voeg tot die volhoubare oplossings wat hy aanbied. Dit sluit die oes en behandeling van water in.
“Die Damsak vul bestaande wateropgaargeriewe aan. Dit is ook klein en lig genoeg om in ’n gesinsmotor te vervoer. Dit kos tot 50% minder as lywige, konvensionele tenkstelsels, wat duur is om te vervoer en te installeer, en dikwels ’n wagtydperk van tot ses weke het.”
Die reservoirs het ’n waarborg van vyf jaar en ’n langer gebruiksduur as draad- en vinielalternatiewe. Damsakke kom in voedsel- en kommersiële grade en die pryse wissel van R1 600 tot R88 000. rhinowater.co.za info@ 041 451 3197.