PARTY WERKGEWERS ‘BEGIN MINIMUM LOON BETAAL’
ME. MILDRED OLIPHANT, Minister van Arbeid, het aangekondig dat sommige werkgewers reeds begin om hul werkers se loon tot op die vlak van die verwagte minimum loon aan te pas. Dit is te midde van kommer dat die instel van ’n nasionale minimum loon nóg grootskaalse werksverliese kan meebring.
Oliphant het die aankondiging gemaak tydens die voorlegging van haar departement se begroting van R3,2 miljard in die Nasionale Vergadering. Suid-Afrika se eerste nasionale minimum loon van R 20 per uur is tans onderhewig aan parlementêre prosesse en sou aanvanklik op 1 Mei inwerking getree het.
“Dit is ironies dat daar heelwat werkgewers is wat reeds hul werkers se loon aangepas het, terwyl die wetgewers besig is met skyngevegte oor die nasionale minimum loon. Dit is ook bemoedigend dat hierdie werkgewers die werkers se loon opwaarts aanpas en nie afwaarts nie, soos ander ons wil laat glo.”
Op 1 Maart het die sektorale vasstelling vir die landbou met 5,7% gestyg, wat neerkom op R16,25 per uur.
Die landbousektor het spesiale vergunning gekry om by die minimumloon aan te p aswanneer dit ingestel word. Dié sektor se loon sal begin by 90% van die verpligte R 20 per uur, wat neerkom o pR 18 per uur( R 3150 per maand) wat oor twee jaar ingefaseer moet word.
DEPARTEMENT ‘MISLUK’
Daar is reeds 9,2 miljoen werklose mense in Suid-Afrika en die instelling van die minimum loon kan’ n verdere miljoen werksverlies e meebring, het mnr. Michael Bagraim, die DA se skaduminis- ter van arbeid, gesê.
Volgens hom bestuur Oliphant ’n mislukte departement en sit sy met haar duime en speel terwyl Suid-Afrika brand.
“Weens die Regerings eonvermoë omwerk te skepen aangesien die arbeid s regulerende gesag die handrem ten opsigte van indiensneming opgetrek het, het misdaad en armoede toegeneem.”
Hy het gesê die Kommissie vir Versoening, Bemiddeling en Arbitrasie (KVBA) is die enigste deel van die departement wat nog reg funksioneer, maar sy begroting bly dieselfde. “Tog wil die ANC-regering by die werk smag spog oor die minimumloon wat hy gaan instel. Dit sal die werklading van die KVBA met meer as 30% verhoog.”
Die kommissaris van die KVBA het al gesê met’ n verhoging in werklading sal hy nie die begroting hê om die nasionale minimum loon in werking te stelnie.