CLEAVER-PRYSE SE WENNERS AANGEKONDIG
DIE beste slaghuise op nasionale en streeksvlak is op die 13de Cleaver-prysoorhandiging aangekondig. Dit word geborg deur Freddy Hirsch, produkte verskaffer aan die rooivleisbedryf. Dié kompetisie van die Suid-Afrikaanse Rooivleisbedryf s forum gee erkenning aan slaghuise wat aan die verbruiker se verwagtinge voldoen ten opsigte van higiëne, die voorsiening van puik, gerolmerkte Suid-Afrikaanse beesvleis, die vlak van bevoegdheid wat betref die verskaffing van advies oor maaltyd voorbereiding, asook die indrukke oor waarde vir geld.
Die nasionale wenners in die kategorie vir slaghuise met vier of meer kasregisterpunte was Impala Vleis (platinum), Brits, en Kings Meat Deli (goud), Castle Walk, Erasmuskloof.
In die kategorie vir slaghuise met drie of minder kasregisterpunte het West End Vleismark, Kimberley, die platinumprys ontvang en Boma Vleismark, Olympus, Faerie Glen, goud.
In die kategorie vir voedsel markte/ supermark slaghuise het The Grove Super spar Riverside, Nelspruit, die platinum prys ontvang en Karaglen Superspar, Edenglen, goud.
Die wenners in die platinum kategorie het elk R20 000 ontvang en die goue wenners elk R10 000.
Die Spar-vleismarkte het spesiale vermelding gekry omdat hulle elke jaar al hoe beter presteer.
MEER OOR CLEAVER
Die Cleaver-pryse word sedert 2005 toegeken om slaghuise aan te moedig om hul standaarde te verbeter. Dat dié mikpunt behaal is, word bewys deur terugvoering van verbruikers wat daarop dui dat die Cleaver-pryse as ’n waarmerk van gehalte beskou word. Slaghuise kan nie self daarvoor inskryf nie, maar moet deur hul kliënte benoem word.
Verbruikers van oor die hele Suid-Afrika kon verlede jaar van Oktober tot Desember hul beste slaghuise benoem en vir hulle stem. Meer as 30 000 benoemings is ontvang. Uit dié kandidate is 105 finaliste beoordeel.
Een van die sprekers op vanjaar se prysoorhandiging seremonie was mnr. Ru divan der Westhuizen, uitvoerende direkteur van die Suid-Afrikaanse Vleisbedryf s maatskappy (Samic). Samic is ’n maatskappy wat deur die plaaslike rooivleisbedryf daargestel is om die gehalte en veiligheid van vleis te verseker. Dié organisasie is verantwoordelik vir die ouditering van die topslaghuise wat vir die Cleaver-pryse benoem is.
VERSEKER BETER VLEIS
Van der Westhuizen het gesê een van die redes waarom besluit is om die pryse toe te ken, was die bedryf se kommer oor wetgewing en die gehalte van die produkte wat op die verbruiker se bord beland het.
Puik standaarde geld by alle abattoirs en ontbeningsaanleg te. Sodra die vleissnitte egter die persele verlaat, val dit nie meer onder die jurisdiksie van die Wet op die Veiligheid van Vleis (Wet 40 van 2000) nie. Die Cleaver-pryse verbeter nou die gehalte van die eindproduk, spesifiek wat betref higiëne, verbruiker gehalteversekering, diens en waarde vir geld.
Slaghuiseienaars en vleishandelaars het die geleentheid aangegryp om verbruikers van ’n beter produk te verseker.