8 BEGINSELS VIR BELEGGING IN ONSEKER TYE
Hoewel die landbousektor bekend is met die onvoorspelbaarheid van seisoene, skep behoorlike beplanning en struktuur meer sekerheid en baan die pad na langtermyn sukses.
Hou aan om, met gereelde tussenposes, op lang termyn te belê. Die meeste mense wil belê wanneer markte goed presteer en neig om hul beleggings te onttrek wanneer die markte val. Dit maak beter sin om te bly belê deur die marklaagtepunte wanneer aandeelpryse onderwaardeer word en baie goedkoper is.
Verstaan jou tydhorison en risikoprofiel. Dit beïnvloed hoe jy belê. Hoe jonger jy is, hoe langer moet jy belê, en hoe meer risiko kan jy bekostig om te waag.
Dit is tyd wat tel in die mark; nie tydsberekening van die mark nie. Hoe langer beleggers in die mark is, hoe beter is die kans om vir verliese te vergoed.
Diversifiseer. Wanneer een mark nie goed presteer nie, het jy nog ander beleggings wat beter presteer.
Balanseer jou portefeulje. Moenie slegs in eiendom of kontant belê nie. Probeer om ’n sinvolle balans tussen verskillende soorte beleggings te handhaaf.
Onthou dat elke mens uniek is. Wat ’n goeie belegging vir een mens is, is nie noodwendig ’n goeie beleggingskeuse vir jou nie.
Belê by ’n maatskappy wat ’n bewese rekord het en bekend in die bedryf is. Moenie belê by ’n maatskappy wat astronomiese opbrengste bied wat in huidige marktoestande eenvoudig nie lewensvatbaar is nie.
’n Gesonde finansiële plan help om sukses te behaal, ongeag wat die mark doen. Praat met ’n geakkrediteerde finansiële adviseur wat voldoen aan die Wet op Finansiële Advies- en Tussengan gerdienste (FAIS) om jou ’n holistiese finansiële plan te help opstel wat aan jou vereistes voldoen en jou huidige omstandighede in ag neem.