VOORSITTER VAN AGBIZ STERF
MNR. SCHALK PIENAAR, voorsitter van die landbousa kekamper Agbiz en voormalige uitvoerende hoof van Suidwes Landbou, is op 6 Mei aan ’n hartaanval dood. Hy was 68.
Dr. John Purchase, uitvoerende hoof van Agbiz, sê hulle is geskok en hartseer oor Pienaar se skielike heengaan. Pienaar was sedert 2010 die voorsitter van die organisasie. “Hy sal baie gemis word – nie net deur Agbiz en sy lede nie, maar deur die hele landbou- en landbousakeg emeenskap vir sy wyse raad en konstruktiewe bydrae in dekades van diens in verskeie leiersposisies in landboub esigheid.”
Purchase het die organisasie se simpatie met Pienaar se naasbestaandes betoon.
“Ons vertrou dat hulle vertroosting en sterkte sal vind in die betekenisvolle en baie spesiale lewe wat hy gelei het.”
LANDBOU HET ’N GROOT LEIER VERLOOR
Mnr. Francois Wilken, voorsitter van Vrystaat Landbou, sê in ’n huldeblyk aan Pienaar: “Schalk se dood is werklik ’n groot skok. Die landbou het ’n groot leier verloor. Kom ons eer sy nagedagtenis deur die passie wat Schalk gehad het, te laat voortleef in ons toewyding aan die landbou.”
Pienaar het van 2012 tot 2016 in dié organisasie se uitvoerende bestuur gedien.
In 2000 en 2001 was Pienaar hoofbestuurder van die graanafdeling by Suidwes Landbou, en van 1 Augustus 2001 tot 31 Januarie 2012 was hy die besturende direkteur van die Suidwes Groep. “Schalk sal onthou word vir sy reuserol en die verskil wat hy in die Suid-Afrikaanse landbousektor gemaak het,” sê mnr. Deon Badenhorst, bestuurder van korporatiewe bemarking en kommunikasie by dié groep.