WETGEWING EN SLUIKHANDEL BEDREIG TABAK
Vanjaar se skatting vir ’n tabakoes van 15 292 ton is aansienlik hoër as verlede jaar se oes van 14 670 ton. Mnr. Francois van der Merwe, voorsitter van die Tabakinstituut van Suid-Afrika(Tisa), sêhyisegter bekommerd oor die uiters streng wetsontwerp oor die beheer van tabak wat onlangs deur die Kabinet vir publikasie in die Staatskoerant goedgekeur is.
Volgens dr. Aaron Motsoaledi, Minister van Gesondheid, stel die wetsontwerp onder meer voor dat die tentoonstelling van tabakprodukte by handelaars verbied word, dat geen tabakprodukte deur masjiene verkoop mag word nie, ’n totale verbod op binnenshuise rookplekke (selfs die huidige rookplekke in openbare geriewe moet verwyder word), die verwydering van handelsmerke op sigaret verpakking en dat e-sigarette en ander nuwe produkte op dieselfde wyse as tradisionele tabakprodukte gereguleer word.
Van der Merwe sê die onwettige handel in tabakprodukte ondergrawe egter die Regering se gesond heidsagenda deurdat goedkoop, onwettige sigarette vryelik beskikbaar is. “Tisa meen die Regering moet eers die onwettige handel uit die weg ruim voor nuwe wette gemaak word. Die handel in onwettige sigarette beloop sowat 25% van die mark. Sigarette kan teen vanaf net R7 per pakkie verkoop word.” Hy waarsku dat onwettige sigarette die wettige produksie en handel van tabak knou. Dit bedreig werkgeleenthede en beleggings, verklein die belastingbasis en maak Suid-Afrika armer.