Meer Angusbulle beskikbaar
Vanjaar word Angusbulle op 26 verskillende veiling sonder die beskerming van die SuidAfrikaanse A n gus bees telersgenootskap in verskillende streke van die land verkoop.
Danksy die beskikbaarheid van bulle op talle veilings wat vanjaar gehou gaan word, het telers toegang tot sowat 750 Angusbulle wat in verskillende streke van Suid-Afrika aangepas is.
Veilings word onder die beskerming van die genootskap aangebied en die besonderhede van elke dier wat beskikbaar is, is geverifieer. Dit sluit in inligting soos die volgende: Die stamboom van die bul, soos opgeteken op die Logix-stelsel van SA Stamboek. Só kan kopers verseker wees hulle koop rasegte Angusse. Met die stamboom wat oor vyf geslagte strek, is beraamde teelwaardes beskikbaar om die bul se prestasie aan te dui. Bulle word deur die genoot- skap se rasdirekteur of ’n gekwalifiseerde verteenwoordiger ondersoek om seker te maak die bulle voldoen aan die minimum rasstandaard vir fenotipe. ’n Amptelike veearts sertifikaat word voorberei vir elke bul wat te koop is om te verklaar dat die dier vrugbaar is, goeie algemene gesondheid geniet en vry is van siektes, soos tuberkulose, brucellose en geslagsiektes. Dié dokument word ná afloop van die verkoop s transaksie aan die koper oorhandig. Die genootskap sal daarna die register aanpas en die eienaarskap van die teler na die nuwe eienaar oordra. Die S AA n gus telersgenootskap se beskerming by veilings gee sekerheid aan kopers rakende die herkoms en potensiële prestasie
van stoetdiere wat te koop is. Stamboom. Die grootste en belangrikste waarborg aan die koper is die verklaring dat die bul ’n rasegte Angus is en dat hy die goedkeuring van die genootskap het om ’n suiwer Angusnageslag te teel.
Beraamde teelwaardes. Die beraamde teelwaardes stel die vleis bees produsent in staat om vooraf te weet watter teelwaardes die bul na sy kudde bring. Dit sluit in aspekte soos die volgende: Geboortegewig. Speengewig. Melkproduksie van sy dogters. Volwasse gewig, hoogte en lengte. Voer omsettings doeltreffendheid en gemiddelde daaglikse gewigstoename. Skrotumomtrek. Dié syfers haal die raaiwerk uit die vleis bees produsent se teelprogram. Natuurlik is daar’ n variasie in die fenotipe van die bulle wat aangebied word: Vroegryptipe (raamwerktelling 3+) Mediumryptipe (raamwerktelling 4+) Laatryptipe (raamwerktelling 5+) Variasies soos dié is belangrik in die groter konteks van die ras, aangesien elke teler sy eie voorkeure het. Soms word bulle verkies wat ’n kleiner raamwerk het en kalwers met ’n laer geboortegewig lewer. Dié vroegrypbulle word dikwels verkies vir verse wat gereed is om gedek te word.
In ander gevalle sal die teler ’n bul met ’n groter raamwerk kies vir sy koeie wat swaarder kalwers vir die voerkraal sal lewer.
Daar is ’n variasie in die voedingsbestuur van verskillende tipe bulle wat by elke koper se voorkeure pas. Dit maak sin om bulle te koop wat in jou omgewing geteel en aangepas is om die streek se natuurlike weiding en veld goed te benut. ’n Plaaslik aangepaste bul het ook beter natuurlike weerstand teen die omgewing se bosluise as ’n bul wat van ver af kom.
As jy ’n bul van een provinsie na ’n ander verskuif, moet jy seker maak dat jy hom onder noukeurige toesig hou om te vermy dat hy iets oorkom in sy nuwe omgewing.