HIER IS DIE FEITE
■ In die Plaaskombuis-promosie-artikel “Vier die liefde met lekker kos” (LBW, 1 Junie, bl. 67) word die naam van Andries de Villiers se vrou verkeerdelik as Corneli aangegee. Andries is getroud met Coia de Villiers. Andries se suster, Corneli, werk saam met hulle op die plaas. ■ In die artikel “Vrystaatse Jongboer sien die groter prentjie”
(LBW, 1 Junie 2018, bl. 34) het ’n paar foute voorgekom. Die Ferreiras se boerdery-eenheid bestaan uit plase wat 86 km uit mekaar is, en die beplanning word nie weekliks nie, maar daagliks by die ingang van die hoofplaas, Grootdraai, gehou. Die belading op natuurlike weiding is 2,88 hektaar per grootvee-eenhede (nie 2,88 grootvee-eenhede per hektaar nie). Die besonderhede van die appelkultivars waarmee die Ferreiras boer, is onvolledig. Hulle spits hulle toe op dié met ’n voller kleur, soos Rosy Glow, Decarli Gala, Top Red, Early Red One, Dalinette en Twist, wat beter uitpakpersentasies oplewer. Die besonderhede van die boerdery se vaste arbeidskomponent verskil. Die sowat 130 werkers bestaan onder meer uit 18 veewagters, 30 in die voerkraal, 6 vir die prossesering van die beeste en 35 vir die appelboorde.
Landbouweekblad korrigeer graag onjuisthede in artikels en nuusberigte. Stuur inligting oor regstellings so gou moontlik ná die publikasiedatum en verkieslik skriftelik aan Izak Malherbe, Landbouweekblad, Posbus 1802, Kaapstad 8000; epos: malherbe@landbou.com; faks 021 406 2940; tel. 021 406 2297.
Verskaf ook u telefoon- of selnommer.