EGIPTE | SA, Nigerië vertraag ooreenkoms
Die eerste intra-Afrika-handelskou is onlangs in Kaïro aangebied. Dit volg op die ondertekening in Maart van die kontinentale vryhandelsooreenkoms (CFTA) in Nairobi. Die organiseerders hoop dat dié skou sal help om onderlinge handel in Afrika aan die gang te kry.
Daar is egter kommer omdat Suid-Afrika en Nigerië, twee van die vasteland se grootste ekonomieë, nog nie die CFTA onderteken het nie weens regsen ander kwessies. Saam verteenwoordig hulle nagenoeg ’n derde van Afrika se gekombineerde bruto binnelandse produk van R43 biljoen.