NUWE BEGIN

Bayer, Monsanto se nuwe eienaar, het verlede week aangekondig dat hy so vroeg as Augustus al van die Monsanto-handelsmerk ontslae wil raak. Dit is wanneer die samesmelting van $66 miljard na verwagting voltooi sal wees. Volgens die

Washington Post het mnr. Liam Condon, voorsitter van Bayer se oeswetenskapafdeling, aan joernaliste gesê dié stap is deel van ’n breër strategie om verbruikers se vertroue te herwin. In ’n afsonderlike verklaring sê mnr. Werner Baumann, uitvoerende hoof van Bayer, die maatskappy wil pogings versterk om in gesprek met kritici te tree. Dit kom nadat Monsanto oor jare heen die bekendste teiken van omgewingsaktiviste se stryd teen GMO’s geword het.