DOODLOOPSTRAAT

Vrystaat Landbou (VL) se jare lange pogings om deur hofgedinge ’n oplossing te bewerkstellig vir die haglike toestand van die grenspad langs die Caledonrivier aan die Lesothogrens, het tot ’n einde gekom toe die Grondwethof onlangs ’n aansoek om verlof tot appèl teen ’n vorige uitspraak téén die VL van die hand gewys het. Die swak padtoestande maak dit amper onmoontlik om oorgrensmisdaad uit Lesotho te bestry. Mnr. Francois Wilken, voorsitter van die VL, sê die organisasie gaan nou op politieke vlak probeer om die veiligheidskwessie op te los.