Slimmer besproeiing help water bespaar
In ’n waterskaars land, soos Suid-Afrika, móét boere watergebruik beter bestuur. Vanjaar is op die Nampo-Oesdag gedurende Mei buite Bothaville groot klem op besproeiing s tegnologie gelê.
Al die groot name en ’n paar kleiner maatskappye was op Nampo om van spilpuntbesproeiing tot drupbesproeiing en alles tussenin ten toon te stel.
Agrico het sy Advanced Ra in-beheer paneel en spilpuntbesproeiing stelsel aan besoekers gewys. Dié stelsel gee die boer meer as een opsie oor hoe hy sy spilpunt wil beheer.
Die stelsel kan per hand by die beheerpaneel, per selfoon of via die internet vanaf ’n rekenaar beheer word. Dit behels skedulering en spesifieke take wat in die besproeiing stelsel ingebou is, soos om sekere dele van ’n landery meer of minder water te gee. Dit laat ook vooraf geprogrammeerde aksies toe.
BEWESE BESPARING
Lindsay Africa, verspreider van Zimmatic- en FieldNET-produkte, het ’n uitstekende aanbod van tegnologie saamgebring. Die bewese besparing en verhoogde produksie danksy hierdie soort besproeiing s tegnologie bring ’n groot voordeel vir boere en waterbronne. In onlangse gevallestudies in Noord-Amerika het die gebruik van FieldNET-tegnologie gelei tot ’n 3%-toename in mielie-opbrengste en ’n 17%-vermindering in watergebruik. Navorsers het ook ’n aansienlike afname in energiekoste gesien.
Boere kies wanneer, hoe lank en hoe dikwels ’n siklus is en kan vanuit die kontrolelys ’n plan skep wat ten volle geïntegreer en geoutomatiseer is.
Dié webgegronde platform maak dit maklik vir boere en bied hulle volle beheer – van seisoenale aanpassings en die verandering van besproeiing s diepte, tot beheer oor inspuiters en die skep van planne vir voor en ná die groeityd.
Nóg’ n besproeiing s beheer oplossings wat by die F i el d NET-platform geïntegreer kan word, is FieldNET Advisor. Dit bied boere die inligting wat hulle nodig het om vinniger en beter ingeligte besluite te neem oor wanneer, waar en hoeveel om te besproei.
Dié geslote kringstelsel versamel ook veldinligting en kombineer dit outomaties met die toepaslike data. Dié data is omvangryk en sluit in:
■ Hibriede oesgroeimodelle;
■ Plaaslike, akkurate, veldspesifieke weerdata;
■Me eras 40 jaar se wetenskaplike gewas-en besproeiing s navorsing; en ■ VRI-voorgeskrewe kaarte wat intyds geoptimaliseer is om die vereiste hoeveelheid water op elke sone in die land te gebruik.
DEMONSTRASIES GEWILD
Die uitstalling van Senter360 het ’n splinternuwe uitleg gehad wat belangstellendes stapsgewys deur die hele reeks produkte gelei het.
By die verskillende stasies is produkte gedemonstreer wat die maatskappy se nuutste toevoegings in onderskeidelik spuit pakket tegnologie en die outomatisering van pompstasies gewys het. Besoekers kon ook die nuutste afstand s beheer tegnologie in aksie sien. Senter 360 se vierwielaangedrewe spilpunt eenheid“wat nie kan vassit nie ”, is ook uitgestal. Spesiale aanbiedinge en promosies het aan boere die geleentheid gebied om munt te slaan uit Nampo-winskope.
Die uitstalruimte het ook plek gemaak vir ander handelsmerke.
“Ons het saam met DAB Pompe SA die pompstasie gebou, ’n handelsmerk met wie ons gaan saamwerk. Mitsubishi Electric, wat wissel spoed aandrywings (VSD’s) lewer, is ’n goeie vriend van Senter360. Nog ’n handelsmerk met wie ons saamwerk, is Rust-Anode wat roeswerende produkte en verf verkoop,” sê mnr. Johann Breet, besturende direkteur van Senter360.
Die Senter360-riviervlot en die gepaardgaande pomp-enmotoreenheid was ook te sien. Dit word regstreeks gekoppel aan ’n pomphuis, ’n pyplynstelsel en ’n standaard spilpunt, wat’ n volledige besproeiing stelsel skep.
“Die vlot met pompstasie en pyplyn was ’n wenner. Talle besoekers het foto’s geneem, want hulle het nie geweet ons kan dit doen nie,” sê Johann.
“Ons wou mense met demonstrasies oortuig. Besoekers het veral verwys na die spuit pakket tegnologie, waar ons die statiese spuite teenoor produkte soos die Komet Twister en I-wob-tegnologie gedemonstreer het. Dit was interessant dat die meeste besoekers die duurder spuit verkies het omdat hulle self die voordele kon waarneem en bevestig.
“Hulle het ook gehou van die pomptegnologie, waardeur ons die pompe of spuite met die nuwe Senter 360- selfoon toepassing aan en afgeskakel het .”
NAVRAE: Webwerf: www.agrico. co.za, tel. 021 950 4111, 082 824 1214. Webwerf: www.myfieldnet. com; e-pos: Frederik.Nel@ lindsayafrica.co.za; tel. 021 986 8900. Webwerf: www.senter360. co.za; tel. 018 468 1331.