Doeltreffendheid pomp geld terug in boerdery
Die koste van besproeiing is ’n kwessie wat boere benoud maak. Landbouweekblad het die afgelope jaar of wat baie geskryf oor tegnologie wat oplossings bied. Hier is enkele voorbeelde van pomptegnologie wat doeltreffend én kostebesparend is.
Doeltreffendheid is geld werd en boere soek oplossings wat betroubare, bekostigbare opsies bied. Op boeredae en skoue, soos die NampoOesdag naby Bothaville en die Kragdag buite Pretoria, is tegnologie vir doeltreffender besproeiing s oplossings’ n groot trekpleister. Waterpompe lê aan die hart van talle oplossings.
“Krag beloop 20% tot 30% van die regstreekse produksiekoste van ’n graanboer wat besproei,” sê mnr. Dawie Maree, hoof van landbou-inligting en bemarking by FNB.
Dit is ook sowat 30% van die koste van ’n vrugteboer wat moet besproei, hoewel ’n deel van die kragrekening ook aan verpakking en verkoeling toegeskryf kan word.
Verskeie vernuwende aanbiedinge is die afgelope paar jaar ontwikkel. Dit bied boere meer opsies wat doeltreffendheid betref.
WOLKE KEER NIE SONKRAG
All Power is ’n leier op die gebied van sonkragwaterpompe en die eerste Suid-Afrikaanse maatskappy wat self son krag waterpompe ontwerpe n vervaardig het. Die maatskappy voer deesdae ook son krag waterpompe uit.
Hernubare energie is meer as net ’n gonswoord en word wêreldwyd aangemoedig. Met pompe wat krag vreet en Eskom se tariewe wat aanhou styg, is die nasionale kragvoorsiener se wisselvallige dienslewering van die onlangse verlede twee groot faktore wat boere aanspoor om in sonkragpompe te belê.
Sonpanele is egter berug vir gebrekkige doeltreffendheid. Veral stelsels met ouer tegnologie vereis ’n groot aantal panele en regstreekse sonlig om ’n waterpomp doeltreffend aan te dryf. All Power gee die versekering dat watervoorsiening nie deur weerstoestande belemmer sal word nie. Selfs as die wolke saampak of daar lae bestraling s vlakke is, werk die pomp stelsels goed danksy All Power se WaterMax-formule.
Mnr. Terry Moss, besturende direkteur van All Power en voormalige Suid-Afrikaanse kampioenrenjaer, sê die maatskappy verskaf’ n volledige reeks son kragwaterpompe–vange lyk stroom tot driefase-wisselstroom – om besproeiing stelsels en spilpunte aan te dryf.
Dié sonkragstelsels se grootste voordeel is dat die jongste ontwerpe ook goed werk in bewolkte toestande. Die sproeiers, spilpunte, kanonspuite en “permaset” sal dus nie stilstaan bloot omdat dit ’n betrokke dag is nie.
Die geheim is die WaterMax-formule waarvolgens die pompstelsels ontwerp is. Dit verseker uitstekende werkverrigting teen lae bestraling s vlakke, dus soggens vroeg, smiddae laat en op bewolkte dae. Die outomatiese driefase-WaterMax-MPPT(maximum power point tracking) omsetters maksimaliseer vloei teen alle bestraling s vlakke en gebruik frekwensiebeheer om presisievloei te verseker.
“Sonder batterye, kraglyne, maandelikse beskikbaarheid skoste en voortdurende stygings in die prys van Eskomkrag kan boere hul somme nou beter maak omdat die meeste van ons klante binne vyf jaar hul kapitaalkoste uit die besparings kan verhaal.”
MOBIELE SONKRAGPOMP
Doeltreffender sonpanele vir waterpompe is nie die enigste vernuftige planne waarmee verskaffers vorendag kom nie.
Die maatskappy SAW Africa bied ’n sonkragopwekker op wiele. Mnr. Hannes van Niekerk van Kimberley, eienaar van SAW Africa, het ’n nuttige mobiele sonkragopwekker gebou met die doel om water op enige plek met sonkrag te pomp (sien FOTO ).
Die wa met sy 18 sonpanele kan 4,9 kW opwek. Hannes het ’n 4 kW-motor op die wa geïnstalleer wat ’n pomp met ’n 160 mm-stuwer aandryf. Die pomp kan water van ’n diepte van 4 m optrek en 24 m³ per uur teen ’n druk van 300 kPa lewer.
Die mobiele eenheid het ook ’n omsetter wat die direkte stroom wat deur die sonpanele gelewer word, in driefase-wisselstroom (400 V) omskakel.
Die omsetter verstel die motorspoed outomaties om by die sonpanele se lewering en die drukbehoefte van die pompstelsel aan te pas. Dit kan ook verstel word om die pomp aan normale driefasekrag te koppel.
Die installasie kan aangepas word om kragte lewer vir ander toestelle wat drie fase-wissel- stroom motors gebruik, soos spilpunte, hamermeule n sen waaiers. Die toestel het’ n maksimum krag opwekkings vermoë om’ n motor van tot 3,7 kW aan te dryf.
’n Mens kan die sonpanele op die wa platslaan as jy dit wil verskuif. Die sonpanele, motor en pomp weeg saam ongeveer 1 200 kg, is 6 m lank en 2,4 m breed wanneer die sonpanele opgeslaan is en 4,8 m breed as dit oopgeslaan is.