ONGELUKKIGHEID OOR VERGOEDING DUUR VOORT
Pluimveeboere wat verlede jaar deur die H5N8-voëlgriepvirus getref is, is ontevrede oor die manier waarop die staat die vergoeding vir hul verliese hanteer.
Mnr. Gary Arnold, besturende direkteur vir landbou by Astral Foods, sê die Departement van Landbou, Bosbou en Visserye vergoed boere slegs vir die “voorkomende van kant maak” van hoenders. Dit beteken vergoeding word nie betaal vir siek hoenders of selfs om hoenders watinkontakwasmetsiek hoenders, van kant te maak nie.
Die departement het slegs R40 miljoen vir vergoeding beskikbaar, terwyl die bedryf se totale verliese na raming sowat R1,87 miljard beloop.
Slegs een of twee produsente het tot dusver die vergoedingsbedrag aanvaar wat die departement aan hulle aangebied het, terwyl die res dit bevraagteken, sê Arnold. Hy het uit die gehoor by die AVI Africa-pluimveekonferensie vrae aan dr. Mpho Maja, die departement se direkteur vir dieregesondheid en een van die sprekers, gestel.
Syhetgesêdievankant maak van hoenders op die betrokke plase is nie die staat se verantwoordelikheid nie en dat boere nie markverwante vergoeding moet verwag nie.
Arnold wou van Maja weet waarom die rol van die staat in Suid-Afrika verskil van dié in Europa en Amerika. “As ons na staatsagentskappe oorsee kyk, speel hulle ’n aktiewe rol in die van kant maak, opruim en vergoeding aan produsente vir verliese. Ons sien dit nie hier nie. Dit plaas ons in ’n swak posisie.”
Hy het gesê terwyl inenting nie in Suid-Afrika toegelaat word nie, is vergoeding baie belangrik vir produsente, maar die bedryf word nie billik vergoed nie.
— CARIEN KRUGER