LEER BY KENNERS OOR RENOSTERVELD
WATTER rol kan vuur in die herstel en bestuur van renosterveld speel? Hoe kan die ekologie van renosterveld herstel word? Watter impak het bewaringsboerdery op gronderosie?
Kenners beantwoord dié belangrike vrae tydens ’n velddag in die renosterveld op die plaas Klipfontein van mnr. MG Lötter tussen Caledon en Villiersdorp.
Die Overberg-renosterveldbewaringstrust, wat die projek om waterlope te herstel, bestuur, bied die velddag saam met Landbouweekblad aan. Die WWF-SA Nedbank Green Trust finansier die projek.
Die velddag op Donderdag 12 Julie begin om 09:00 vir 09:30 en word om 13:00 afgesluit met middagete. Onderwerpe en sprekers is:
■ Vuur as ’n ekologiese instrument in die bestuur van renosterveld – mnr. Keir Lynch, bestuurder van die Overberg-renosterveldbewaringstrust
se projek om waterlope te herstel.
■ Herstelekologie – dr. Odette Curtis, direkteur van die Overberg-renosterveldbewa-ringstrust.
■ Die impak van bewarings-boerdery op gronderosie – dr. Johann Strauss, wetenskaplike by die Wes-Kaapse departement van landbou. Boere kan die dag gratis bywoon, maar moet by me. Sharon King van die bewaringstrust bespreek by e-pos: admin@ overbergrenosterveld.org.za of
sel 082 762 2787.