Angus-beesstert met Guinness (foto op bl. 55)

Ongeveer 3 kg beesstert Gegeurde meel Olyfolie en botter 1 ui, grofgekap 2 groot wortels, geskil en gekap 2 stingels seldery, gesnipper 2 knoffelhuisies, geskil en gekap 1–1,5 liter beesvleisaftreksel ’n Paar takkies vars tiemie ’n Paar vars lourierblare 1 groot blik swartbier, soos Guinness Vars pietersielie en suurlemoenskil, om af te rond

Voorverhit die oond tot 160 °C. Sny die oortollige vet van die beesstert af en bestuif liggies met gegeurde meel. Verhit ’n bietjie olyfolie en botter saam in ’n oondvaste swaarboompot en braai die vleis in lotte daarin tot bruin. Skep die beesstert uit en braai die ui, wortels, seldery en knoffel in dieselfde pot tot sag (voeg ’n bietjie ekstra olie by indien nodig).

Skep die vleis terug in die pot en voeg die aftreksel, tiemie en lourierblare by. Verhit tot kookpunt, bedek en sit die pot in die oond vir ongeveer 2 uur. Haal die beesstert uit, roer een keer deur en voeg die bier by. Sit die pot terug in die oond – hierdie keer sonder ’n deksel – en bak vir nog 2-3 uur of tot die vleis baie sag, donker en klewerig is. (Roer af en toe terwyl die vleis bak om te voorkom dat dit droog of te donker bak bo-op.) Geur na smaak en strooi vars pietersielie en fyngerasperde suurlemoenskil oor. Sit voor op romerige polenta of kapokaartappel met gestoomde jong groente. Lewer 8 porsies.