AFGRI jaar ná jaar op Val-boeredag
Vir AFGRI is sy vennootskappe met boere uiters belangrik, ook die bystand wat die maatskappy bied wanneer boere besluite neem wat hul boerderye raak. Die jaarlikse Val-boeredag is jaarliks ’n groot sukses en bied AFGRI die kans om saam met sy klante te ku
Die Val-boeredag is een van die grootste boere-aangeleenthede in Suid-Afrika. Mnr. Tinus Prinsloo, uitvoerende hoof van AFGRI, sê hierdie boeredag is aan die voorpunt wat werktuigdemonstrasies betref. Verlede jaar was AFGRI die hoofborg en hy bedank die Waterval-boerevereniging vir die geleentheid om vanjaar weer as die hoofborg op te tree op Woensdag 4 Julie.
Hierdie boeredag bied hope inligting aan boere oor nuwe tegnologie en die vermoë van die werktuie.
Deur die werktuigdemonstrasies by te woon, kan boere beter bepaal watter tegnologie die beste bydrae sal lewer tot die vooruitgang en volhoubaarheid van hul boerderye.
Die Val-boeredag bied ook die geleentheid aan boere om met medeboere en kundiges van landboumaatskappye te gesels en behoeftebepalings te doen. AFGRI bedank al sy personeel wat elke jaar bydra tot die sukses van die geleentheid.
Die maatskappy bied ’n verskeidenheid aktiwiteite vir klein en groot. Die dag se verrigtinge sluit ’n vroueprogram om 11:00 saam met Elizma Theron in, asook vermaak vir die kinders om 13:30 saam met die Ventertjies en Kosie Beukes.
Die optrede van die musiekgroep Appel begin om 18:00. ’n Lekker boeresokkie begin om 19:30.
FINANSIES
Mnr. Ross Simmonds, besturende direkteur van UNIGRO Finansiële Dienste, sê AFGRI is trots om ’n borg te wees omdat hierdie boeredag oor die boere en die gemeenskap gaan.
Dit is ’n gulde geleentheid om die nuutste tegnologiese ontwikkelinge in aksie te sien, demonstrasies eerstehands te beleef en om naby aan die toerusting te beweeg.
Uit die perspektief van finansiële dienste bied dit die geleentheid om op ’n meer informele grondslag met klante te gesels en hul behoeftes te verstaan om kapitaalaankope te maak of om nuwe toerusting aan te skaf.
As boere finansiële ondersteuning nodig het, kan UNIGRO hierdie proses bemiddel en afsprake maak om boere op hul plase te ontmoet.
“Die Val-boeredag is ’n dag van samesyn. Dit bied die geleentheid om buite die kantoor te ontspan, weg van die daaglikse plaasverpligtinge. Dié boeredag het betreklik klein begin, maar elke jaar gegroei en al hoe gewilder in die omgewing geword. Dit is ’n geleentheid waarvan nou oor die land heen kennis geneem word,” sê Ross.
“Elke jaar gaan die Val-boeredag van krag tot krag en verlede jaar was geen uitsondering nie,” sê mnr. Etienne Meyer, bemarkingsbestuurder by AFGRI Equipment. “Dit bied ’n platform waar verskaffers hul nuutste en tegnologies mees gevorderde toerusting prakties kan ten toon stel.
“AFGRI Equipment doen elke jaar ekstra moeite om boere insig te gee oor wat die toekoms inhou en hulle bloot te stel aan nuwe toerusting en metodes wat die winsgewendheid van boerderye kan aanhelp. Die Val-boeredag bied die geleentheid aan boere om eerstehands kennis op te doen van toerusting en om hul behoeftes met kundige personeel te bespreek.”
AFGRI Graanbestuur beskou die Val-boeredag as die ideale geleentheid om saam met hul klante betrokke te wees by iets wat vir hulle belangrik is.
“Die boer sal altyd vir Graanbestuur die belangrikste skakel in die waardeketting wees,” sê mnr. Frik Steynberg, bedryfsdirekteur by AFGRI Graanbestuur. “Sonder die boer sal ons nie suksesvol wees nie. Deur ’n goeie verhouding met die boer daar te stel en dit deurlopend uit te bou, word verseker dat daardie verhouding die ketting is wat sorg dat ons onlosmaaklik van mekaar staan in ons gesamentlike strewe na volhoubare voedselsekerheid.”
BOEREDIENSTE
AFGRI Landboudienste bied ’n reeks omvattende dienste wat wissel van gesofistikeerde graanbestuur, wêreldklastoerusting wat ’n hele aantal John Deereagentskappe insluit, UNIGRO Finansiële Dienste, wat finansiële produkte in die primêre landbousektor verskaf, Harvest Time Investments, wat die helpende hand is wat AFGRI na opkomende boere uitsteek en opleiding verskaf, asook Hinterland, ’n gesamentlike onderneming van AFGRI en Senwes.
Hinterland is ’n kleinhandellandboumaatskappy geskoei op tradisionele waardes en bestuur deur vernuwende oplossings. Hinterland bied ’n eenstopdiens waar die klant al sy tuinbenodigdhede, hardeware, selfdoen, landbou en buitelugtoerusting, en dienste onder een dak sal vind.
AFGRI is ’n allesomvattende skakel in die landbou en nywerheidsvoedselwaardeketting. Wanneer sy klante groei, groei AFGRI saam, hand aan hand.
GRAANBESTUUR
AFGRI Graanbestuur bied die veilige opberging van landbou en ander produkte in SuidAfrika, Zambië, die Republiek van die Kongo, Mosambiek, Uganda, Tanzanië en Zimbabwe.
Graan word afsonderlik volgens gehalte en graad gehanteer en opgeberg. AFGRI Graanbestuur het ’n opbergingsvermoë van meer as 5 miljoen ton in silo’s, bunkers, graandamme en sakdepots.
MEGANISASIE
AFGRI Equipment is die grootste John Deereagentskap buite NoordAmerika en ’n internasionale verskaffer van gemeganiseerde toerusting. Die maatskappy bied die wêreld se voorste toerustinghandelsname, gerugsteun deur ’n onderneming so goed soos die produkte wat dit verkoop.
Deur ’n netwerk van 40 strategies geleë takke verskaf AFGRI Equipment trekkers, stropers, planters, balers, spuite, snyers, strooiers, skrapers, laaigrawe en presisielandboutoerusting met GPSstelsels.
AFGRI het verlede jaar begin om masjinerie vir die aartappelbedryf te bemark. Hy is die eksklusiewe verspreider van gespesialiseerde plant, oes en paktoerusting.
Moderne werkwinkels het die beste gereedskap en tegnici om staantyd te verminder. ’n Vloot diensvoertuie is ook beskikbaar. Die maatskappy doen besigheid in SuidAfrika, Zimbabwe, Zambië, Botswana, Ghana en WesAustralië.
FINANSIËLE DIENSTE
UNIGRO, finansieringenversekeringsafdeling van AFGRI, is trots daarop dat hy landwyd die voorste verskaffer van pasgemaakte landboufinansiering vir die kommersiële boer is. As ’n belanghebbende by die landbou verstaan UNIGRO boerdery en die boer se finansiële vereistes, van korttermynversekering tot gewasbeskerming, wildversekering en welvaartbestuur.
Die elektroniese eAccountsplatform van UNIGRO bied aan klante aanlyn toegang tot toepaslike rekeninginligting, soos gedetailleerde verslae en inligting oor hul graanlewering vir opberging by enige perseel van AFGRI Graanbestuur, asook intydse rekeningbetalings.
Hierdie elektroniese platform het tot dusver meer as R8 miljard se kumulatiewe betalings behartig. Nog ’n funksie stel boere in staat om reënval op hul lande te monitor. Splinternuwe funksies is ’n versekerings en ’n eisfunksie.
Die UNISERVproduk is die uitvloeisel van ’n ontwikkeling tussen UNIGRO en AFGRI Equipment en is soortgelyk aan ’n motorplan, maar vir groter toerusting.
OPLEIDING EN BYSTAND
Harvest Time Investments se opleidingenontwikkelingsprogram gebruik studiegroepe en proefterreine om nuwe tegnologie, soos presisieboerdery, te demonstreer. Mentors en landboukundiges staan reg om praktiese inligting en kennis oor te dra en bied insig uit baie jare se ervaring. AFGRI meen opkomende boere het die potensiaal om die landbousektor in SuidAfrika te transformeer en ondersteun die doelwitte van die ontwikkeling van gemeenskappe en voedselsekerheid.
AFGRI sal aanhou om die landbousektor en landbouprodukte wat ekonomies lewensvatbaar is, te ondersteun. AFGRI sal probeer om ondersteunende dienste aan sy klante en die gemeenskap te bied wat die lewensgehalte van toekomstige geslagte ontwikkel en verhoog.
Maak seker jy gebruik die geleentheid om op die Valboeredag met die streeksbestuurders van AFGRI te gesels.
Geniet hierdie jaar se geleentheid saam met AFGRI en kuier lekker saam met landbouvennote, familie en vriende.