Finansiële dienste reg oor Suid-Afrika
Deur die voorsiening van pasgemaakte finansiële oplossings deur middel van vennootskappe met boere en ander landbouverwante kliënte, veral in Afrika, wil UNIGRO help om voedselsekerheid te verseker.
UNIGRO is trots daarop om die voorloper te wees in die voorsiening van pasgemaakte landboufinansiering aan kommersiële boere reg oor Suid-Afrika. As ’n belanghebbende in die landboubedryf verstaan die maatskappy boerderye en hul kliënte se finansiële vereistes.
UNIGRO bied ’n mededingende en ekonomiese finansieringstruktuur aan boere met akkurate en doeltreffende dienste wat deursigtig geadministreer word. Hierdie aanbieding is nou uitgebrei om gerieflike toegang te bied tot die aanlyn diens eAccounts, wat ’n intydse transaksionele vermoë en toegang tot relevante rekeninginligting bied. Die eAccounts-platform is veilig, vinnig, gerieflik, maklik om te gebruik en toeganklik vanaf enige plek en op enige toestel.
Kliënte kan ook hul aankoopkontrakte monitor. ’n Betalingsadvies is in PDF-formaat beskikbaar. Dié elektroniese platform het tot dusver meer as R8 miljard se kumulatiewe betalings behartig.
Dit het ook ’n funksie waarmee boere reënval op hul lande kan monitor.
Nuwe funksies sluit ’n versekerings- en eisfunksie in.
MEER KANTORE
UNIGRO Landboufinansiering het die afgelope vier jaar kantore geopen buite die tradisionele koöperatiewe gebiede waar gewoonlik sake gedoen word.
Daarvan was die Bloemfontein-kantoor eerste. ’n Versekeringskantoor is ook onlangs daar geopen. Teen einde verlede jaar is kantore in Nelspruit en Polokwane geopen.
Sedert begin verlede jaar het die maatskappy ook ’n kantoor in die Paarl. In 2015 het UNIGRO ’n verbintenis met KLK Landbou Bpk. in Upington begin met betrekking tot versekering. In 2016 is die finansieringsafdeling tot dié vennootskap toegevoeg.
Die Hartswater-omgewing word bedien vanuit bestaande takkantore, maar UNIGRO ondersoek die moontlikheid om in die toekoms ’n kantoor saam met KLK Landbou Bpk. in daardie gebied te open. Die Oos-Kaap word uit die Bloemfontein bedien, maar UNIGRO sal dalk later ’n kantoor in die Oos-Kaap vestig.
UNIGRO-WELVAART EN -BELEGGINGS
UNIGRO het einde verlede jaar die samesmelting tussen UNIGRO Versekeringsmakelaars en MVM Makelaars (Senekal) aangekondig.
Pieter van Schalkwyk, Flip van Schalkwyk en Marreni Pretorius is verantwoordelik vir al die lewensversekerings-, welvaarten beleggingsbesigheid. Pieter en Flip beskik oor ’n skatkis van kennis en ervaring oor veral die volgende: Lewensversekering. Beleggingsbeplanning en -advies. Fidusiêre dienste. Boedelbeplanning. Werknemersvoordele.
VERSEKERING
Die kliënt is altyd die middelpunt. UNIGRO Versekering bied die beste ad-
vies gegrond op kliënte se behoeftes teen mededingende tariewe. Die maatskappy het ’n puik administrasiespan en verwerk eise doeltreffend.
NISPRODUKTE
UNIGRO diversifiseer deur langtermyngewasse, soos pekanneute, tafelwyndruiwe, rosyntjies en sitrusvrugte, tot sy portefeulje toe te voeg. Vestigingslenings en veeboerfinansiering word ook aangebied.
Verder bied UNIGRO steeds gewasversekering teen hael en multi-risikodekking vir kontantgewasse.
NAVRAE: Besoek die UNIGRO-bladsy op AFGRI se webwerf, www.afgri.co.za, vir die besonderhede van jou naaste kantoor.