Beste groentewerktuie
Op die jongste Nampo-Oesdag op Bothaville het groentetoerusting, onder meer aartappeluithalers en groentegradeerders, die aandag getrek. Die pryse sluit BTW in.
Afgri voer die RA2060-aartappeluithaler van die Belgiese vervaardiger DeWulf na Suid-Afrika in. Dié dubbelry-uithaler met outomatiese dieptebeheer, wat tot 5 ha per dag kan uithaal, kan ook pasgemaak word. Sy opgaarbak kan 7 ton hou. Die aartappels kan in ’n wa afgetap word sonder om die oesproses te staak. Die minimum drywing wat die werktuig vereis, is 123 kW.
PRYS: Prys op aanvraag. NAVRAE: Mnr. Jacques Maree, e-pos: jacques.maree@afgri.co.za; sel 083 265 0466. Die veeldoelige Allan- Live-Bottom-dubbel-aswa, wat spesifiek op aartappelboere gerig is, word deur Bestbier SA van Bloemfontein onder ’n lisensie van Allan in Kanada plaaslik vervaardig. Die wa het ’n hidroulies aangedrewe voerband, wat die aflaai van die produk versag. Die wa het ’n valkant sodat uithalers se aftap-arm tot bykans op die bodem van die wa kan reik en dus valskade aan aartappels uitskakel. Die wa het ’n laaivermoë van 10 ton en kan met bykomende toevoegings ook as ’n kalkstrooier, tapkar of ’n plaasvervanger vir ’n kantelwa ingespan word. Dit vereis ’n trekker van minstens 80 kW. PRYS: R563 500. NAVRAE: Mnr. Gouws Prinsloo, e-pos: sales@
bestbiersa.co.za; sel 072 511 5449. Die selfaangedrewe dubbelry-aartappeluithaler Grimme Varitron 220 word deur die Johannesburgse hanteerstelselverspreider Dormas ingevoer. Dit kan tot 5 ha per dag uithaal en kan aartappels uit die aanboord-opgaartenk met ’n vermoë van 2 ton laai terwyl die oesproses voortgaan. Die uithaler se linkeragteras is toegerus met ’n rusperband om in nat toestande te kan werk. PRYS: Prys op aanvraag. NAVRAE: Mnr. Hannes van Aarde, e-pos: hannes@dormas.co.za; sel 082 559 8501. Agro Tractor House van Benoni, vervaardiger van sleepwaens en verspreider van Poolse werktuie, het ’n enkelry-aartappeluithaler vertoon wat drywing van minstens 35 kW benodig. Benewens aartappels kan patats, beet en knoffel daarmee geoes word.
PRYS: R55 200. NAVRAE: Mnr. Villy Iversen, sel 082 625 2124.
Om by die Allan-dubbelaswa te pas, voer Bestbier SA die betroubare Allan-tweery-aartappel
uithaler, wat in Kanada vervaardig word, na Suid-Afrika in. Dié uithaler kan gemiddeld 4 ha/ dag uithaal. Die masjien is robuus gebou en Bestbier SA meen die onderhoud van die masjien beloop slegs R250/ha. Die uithaler vereis trekkrag van minstens 75 kW. PRYS: R2 271 250.
NAVRAE: Mnr. Gouws Prinsloo, e-pos: sales@ bestbiersa.co.za; sel 072 511 5449. Die elektroniese sorteerder U-Vision van Uniekum benut sagteware van die Nederlandse Ellips-groep om aartappels ten opsigte van eksterne gehalte en volgens gewigklasse te sorteer. Dit het 12 sorteerbane, 6 tot 18 uitgange en 12 vibrasiegeute en ’n produksievermoë van 12 ton per uur. Afstandbeheer via die internet is moontlik.
PRYS: R6,9 miljoen. NAVRAE: Mnr. Menke Antonides, e-pos: menke@uniekum.
co.za; sel 082 922 7221.