Melk sonder grense
’n Argentynse megaboerdery stel skaalekonomie in ’n heel nuwe lig. Dit is die indruk van nagraadse landboustudente van Stellenbosch wat die reuseboerdery besoek het nadat hulle die driejaarlikse Wêreldbewaringslandboukongres in Rosario, Argentinië, bygewo
Die melkbestuurder van die Argentynse megaboerdery Adecoagro het oor die wêreld heen getoer om na die melkstalle van ander groot melkboerderye te gaan kyk om idees te kry vir die oprigting van Adecoagro se melkstalle.
Die boerdery, wat ook mielies, koring, soja en rys in bewaringsboerderystelsels verbou, het in 2007 met 1 500 melkkoeie begin. Deesdae word 7 000 koeie per dag gemelk.
Die eienaars en bestuurders van Adecoagro het besluit dat die infrastruktuur en bestuurspraktyke van melkplase in NoordAmerika die beste by hul stelsel pas en het daarom hul melkstalle dienooreenkomstig ingerig. Die melkbestuurder het die woorde “copy and paste” gebruik toe hy beskryf het hoe hulle te werk gegaan het met die oprigting van hul eie melkplaas. Die melkafdeling van die plaas gebruik omtrent 10 000 ha (alles onder bewaringsboerdery) met ’n totale kudde van meer as 18 000 beeste. Die melkafdeling het 150 heeltydse werknemers in diens. Die plaas gebruik geslagspesifieke semen uit NoordAmerika, Kanada en Frankryk. Die spermselle wat ná bevrugting verskalwers gaan oplewer, word gebruik om koeie vir die eerste
twee siklusse te insemineer. Verse en koeie wat nie ná twee inseminasies dragtig raak nie, word met normale semen geïnsemineer.
Die koeie word elke oggend in ’n nekklamp gesit terwyl hulle eet en word ook ondersoek. Die koeie word op dieselfde wyse kunsmatig geïnsemineer, wat lei tot minimale stresvlakke.