Spaar met herwonne draad
Elke boer gebruik staaldraad, vir alles van boorde, wingerde en veekampe. Mertech Cable and Wire het gaste aan boord van Laeveld Agrochem se Seil-Safari-bootreis meer vertel oor die beskikbare produkte.
Mertech is ’n betroubare handelsmerk vir die herwinning van onderseekabels en staaldraad. Mertech Cable and Wire word bestuur deur Mertech Marine (Edms.) Bpk. Dié maatskappy het in 2004 tot stand gekom danksy die vernuwende gees en entrepreneurstalent van twee broers met diep wortels in die SuidAfrikanse boerderygemeenskap. Vandag is Mertech Marine ’n wêreldleier op die gebied van die herwinning van ongebruikte, ondersese telekommunikasiekabels.
Die staal wat uit die telekommunikasiekabel herwin word, is gereed vir die aanwending in onder meer die landbou. Gevolglik is Mertech se draad omgewingsvriendeliker. Vir boere wat graag “groener” wil boer, is hierdie herwonne draad dus deel van die oplossing.
Net omdat dit herwonne staaldraad is, beteken dit nie die produkte is van lae gehalte nie. Inteendeel, die herwonne telekommunikasiekabels lewer juis staalkabels en staaldraad van hoë gehalte. Let egter daarop dat hierdie draad nie gegalvaniseerd of behandel is teen korrosie (roes) nie. Dit bied aan die verbruiker ’n bekostigbare alternatief tot tradisionele staaldraadprodukte wat op die mark beskikbaar is.
Die gegalvaniseerde produkte wat wel beskikbaar is, sluit in staalsparre (ideaal om skape af te kamp), gebuigde klampe vir die oprigting van geëlektrifiseerde omheinings op skaap en wildplase, en ankers vir wingerde.
HAELNETTE EN BEESKRALE
Mertech Cable and Wire het sedert Junie 2011 staalkabels van duisende kilometer verkoop om haelnette oor vrugteboorde op te rig en aan beesboere vir die bou van beeskrale.
Die maatskappy bied staalkabels van 5 mm tot 9 mm in deursnee. Staaldraad is tipies tussen 1,2 mm en 1,9 mm in deursnee en is ideaal vir die oplei van wingerde en groente.
Mertech Cable and Wire dra by tot Mertech Marine se CO2vrystellingbesparing van 35 metrieke ton CO2 vir elke kilometer ondersese telekommunikasiekabel wat teruggewin en herwin word – dit lewer ’n gunstige bydrae tot die omgewing.
Laat jou bestelling dus ’n verskil maak. Koop Mertech Cable and Wire!