Op facebook
HOU OP DREIG MET ‘GEEN BOER, GEEN PAP’
Verskillende menings oor boerdery het duidelik geword tydens die grondwetlike hersieningskomitee se openbare verhoor oor die onteiening van grond sonder vergoeding op Botshabelo buite Bloemfontein. Een van die sprekers het gesê die wekroep van sommige kommersiële boere — “geen boer, geen pap” — is ’n doring in die vlees, en het gevra “hulle moet ophou om ons so te intimideer”.
KOOS VENTER skryf:
Ek het dit nou sommer gou uitgewerk van Google af: Die mens wat dink jy maak R15 000 000 wins op 200 ha mielies, sit die pot ver mis. Hy is nie eens naby die pappot nie. Die gemiddelde opbrengs van wit mielies is 3 ton tot 5 ton per ha. Die prys van mielies is R2 100 tot R2 400 per ton. My som:
4 ton/ha x 200 ha = 800 ton. 800 ton x R2 500 per ton = R2 000 000.
Dit beteken nie die boer kry die R2 000 000 nie. Sy saad en kunsmis moet afgetrek word en koöperasieskuld moet betaal word. Salarisse en lone moet ook afgetrek word, om nie eens te praat van diesel, herstelkoste en uitgawes aan werktuie nie. Uiteindelik kry die boer dalk baie minder salaris as een van sy voormanne.
DEWALD LABUSCHAGNE
skryf: En dan betaal ’n mens nog R120 000 tot R150 000 per ton vir mieliesaad. Julle dink die Suid-Afrikaanse Inkomstediens en ander steel geld. Dit kan nie soveel kos om saad te maak nie. Die boer moet dit hê. Maatskappye kan dus vra wat hulle wil.
KOOS VENTER antwoord:
Dewald, ek weet. Koringboere in die Swartland hou van hul opbrengssaad vir die volgende jaar terug. Dit word weer gescreen en behandel. Ek weet nie hoe hulle met mielies maak nie. Ek weet net jy moet soms nuwe saad saai.
ESTELLEVANDERMERWE
skryf: Maar dis waar: Geen boer, geen pap. Dink hulle die mieliemeel spring op die rak in die supermark?
ROBERTA BOTHA
skryf: Baie mense het wanopvattings oor boerdery. Hulle dink omdat boere die nuutste voertuie ry, is daar baie geld.
GLOUDINA MARIA CROUS
skryf: Dit is nie vergaderings nie. Almal skree op almal, en (Julius) Malema skree die hardste.
RAYMUND COETZEE skryf:
Boere plant mielies en alles anders. Vleis groei nie in Shoprite nie.
MARI HAMANN skryf:
Hulle hou die vergaderings wanneer ons wat belasting betaal, moet werk. No work, no pay.