Puik bonusse vir lojale klante
Boere kla gereeld die kosteknyptang wurg hulle dood. Senwes het egter met ’n plan vorendag gekom om lojale klante te beloon deur ’n bonusskema wat die las op boere sal verlig.
AgriRewards is ’n skema van uitgestelde bonusse waarmee Senwes jaarliks ’n groot deel van sy wins aan klante deurgee om hulle te beloon vir hul lojaliteit deur die jaar. Die bonus word in die jaar waarin die allokasie uitloop in die vorm van kontant uitbetaal.
Vir die 2018boekjaar het Senwes sowat R160 miljoen toegeken. Dit is bereken volgens ’n bonusuitbetaling van R50/t vir graanlewerings by Senwessilo’s, R5/t vir graanverkope aan Senwes en 0,75% van gemiddelde rentedraende lenings by Senwes Credit wat aan bonusse toegedeel is.
Dit volg op verlede jaar se R54/t vir graanlewerings by Senwes se silo’s. Senwes het sowat R54 miljoen toegeken vir die jaar geëindig op 30 April 2017.
“Die AgriRewardsbonusskema is tot dusver baie goed ontvang. Sedert die skema begin het, het meer as 3 700 klante geregistreer. Hulle verteenwoordig sowat 79% van die graanleweringsklante aan Senwes se silo’s,” sê mnr. Corné Kruger, hoof finansiële beampte van Senwes.
HOEWERKDIT?
Klante se uitgestelde bonusse word jaarliks bepaal op grond van hoeveel sake hulle deur die jaar met Senwes gedoen het. Die bonus is ook onderhewig aan spesifieke reëls vir die betrokke jaar. Dié reëls, ten opsigte van ondernemings wat in aanmerking kom, word jaarliks deur Senwes se direksie bepaal en bekend gemaak. Die bonus waarvoor klante uiteindelik in aanmerking kom, word na afloop van Senwes se finansiële jaareinde bekend gemaak.
Deelname is nie outomaties nie en klante moet spesifiek registreer om aan die skema te kan deelneem.
“Indien ’n klant vir die skema geregistreer het, bly hy outoma ties geregistreer vir die daaropvolgende jare. Dit is dus nie nodig om elke jaar weer te registreer nie. Die klant het egter die opsie om sy deelname te staak. Die bonus word per entiteit of individu toegeken en is nie oordraagbaar na ander regspersone nie,” sê me. Amelie Vosloo, AgriRewards se projekbestuurder by Senwes.
“Die voordeel van die skema is dat die klant ’n toekenning op ’n jaarlikse grondslag sal ontvang mits hy jaarliks met Senwes sake doen. So groei die poel van bonusse ook elke jaar. Hoewel die bonusse nie dadelik uitbetaalbaar is nie, kan die bonustoekennings wel teen die huidige waarde as sekuriteit by Senwes Credit aangebied word.”
WIE KAN BONUSSE KRY?
Enigiemand wat geregistreer is, en sake doen met enige van die geïdentifiseerde bedrywe, kom in aanmerking vir die uitgestelde bonus. In die afgelope boekjaar het graanverkope aan Senwes, graanlewerings by Senwessilo’s en rentedraende transaksies by Senwes Credit ’n toekenning ontvang.
Die volgende transaksies sal in die 2019boekjaar in aanmerking kom: Graanlewerings by Senwes se silo’s; Graanverkope aan Senwes; Enige aankope van John Deereheelwerktuie by Senwes Equipment; en Rentedraende transaksies by Senwes Credit.
REGISTREER SÓ
“Senwes beloon sy lojale klante. Word deel van die Senwes AgriRewardsbonusskema en slaan self munt uit dié aanbod deur te registreer,” sê Vosloo.
AgriRewards het verskeie registrasieopsies. ■ Boere kan die webwerf www.
agrirewards.co.za besoek en aanlyn registreer vir die uitgestelde bonusskema wat onderhewig is aan die aanvaarding van die bepalings en voorwaardes. Registreer deur “AgriRewards” gevolg deur jou IDnommer te SMS na 31022. Kontak jou naaste graanverkryger of sleutelrekeningbestuurder sodat hulle jou deur die registrasieproses kan begelei. Registrasie vir aanstaande jaar se uitgestelde bonusse sluit op 31 Maart 2019.