GWK MIK HOOG MET PEKANBELEGGING

GWK het sy aandeel in die pekanneutbedryf vergroot deur die verkryging van ’n pekanneutaanleg op Upington en die uitbreiding van sy verwerkingsgeriewe.

Mnr. Tom Meintjes, besturende direkteur van GWKverhandeling, het op die bekendstelling van die nuwe GWK Pecans in Kimberley gesê die onderneming beoog om aanstaande jaar sowat 4 500 ton pekanneute te lewer, bykans 35% van die verwagte SuidAfrikaanse produksie van sowat 13 000 ton.

“GWK beoog om binne

10 jaar met die nodige uitbreiding van sy verwerkingsgeriewe sy markaandeel met sowat 17 000 ton van die land se verwagte produksie van 50 000 ton te behou en die volle lewering te kan verwerk.”

Pekkanneute is vanjaar landwyd op sowat 26 500 ha verbou met ’n opbrengs van 17 500 ton.

STEWIGE GROEI

Volgens Meintjes is die jaarlikse koers waarteen aanplantings toeneem tans 5 000 ha per jaar.

Sowat 85% van die huidige nasionale produksie word as ongedopte neute na China uitgevoer. “Die Chinese mark raak toenemend kieskeurig oor die gehalte van die produk en verlede jaar het die vraag na pekanneute op dié mark begin daal,” se hy. Die handelsoorlog tussen Amerika en China het die wêreldprys van die neute geknou.

Onder die redes wat hy vir die nuwe pekanneutonderneming

aanvoer, is meer kollektiewe bedinging en die vestiging van voldoende verwerkingsvermoë.

Tans besit GWK Beperk 59,5% van GWK Pecans se aandele, Jill White 18,6% en boere 21,8%.

Volgens Meintjes is die verwagting dat GWK sy aandeelhouding oor die volgende dekade moontlik sal laat verwater sodat boere se aandeelhouding kan toeneem.