MOEILIKSTE SEISOEN IN 20 JAAR VIR DIÉ BOERE
DIE suikerbedryf beleef een van sy moeilikste produksiejare die afgelope 20 jaar. Verskeie faktore vanuit verskeie oorde het ’n nadelige uitwerking op verkope, sê mnr. Graeme Stainbank, voorsitter van die Suid-Afrikaanse Suikervereniging (SASV).
Hy sê daar is ’n goeie kans dat die bedryf in die volgende paar weke beter beskerming teen die wêreldmark kan kry, wat sal help met die herstel van die suikerrietprys. Gegewe hierdie faktore het die SASV voorspel dat die finale verhaalbare waardeprys vir suiker sowat R3 800/ton sal wees, mits ’n hoër verwysingsprys goedgekeur word. Dit sal die be- dryf toelaat om sy interne prys aan te pas.
FLATER
Die SASV het die Regering onlangs gevra om die verwysingsprys tot VSA$856 (R11 264) per ton te verhoog om die bedryf van ondergang te red. Die verwysingsprys moet nog in die Staatskoerant afgekondig word.
Benewens een van Suid-Afrika se ergste droogtes in 2016 en die feit dat die suikerbedryf al sedert die produksiejaar 2014’15 verliese ly, het ’n “administratiewe fout” van die Regering veroorsaak dat suiker van 28 Julie tot 15 September verlede jaar
ingevoer is uit Brasilië en die Verenigde Arabiese Emirate. Boonop was die tarief in die res van die jaar aansienlik laer as wat dit moes wees.
Die aanname waarop die voorspelling gemaak word, is gegrond op ’n ietwat swakker rand en ’n ietwat hoër wêreldprys vir suiker, sê Stainbank.
Om te probeer om die verhaalbare waardeprys op ’n aanvaarbare vlak te hou, het die bedryf drastiese stappe gedoen, maar tot dusver was dit nog onvoldoende. Hy sê die SASV sal egter nie ophou veg vir ’n beter toekoms vir sy lede nie.
Plaaslike suikerverkope in die eerste drie maande van die bemarkingsjaar was reeds 137 269 ton laer as die verwagte vraag.
COKE VOER IN
Intussen het di eteen stortings beweging FairPlay die koeldrank vervaardiger Coca-Cola Beverages SA( CC B SA) kwaai gekritiseer ná bewerings dat dié maatskappy meer suiker begin invoer, al weet hy die plaaslike
bedryf is op sy knieë.
Mnr. Francois Baird, stigter van FairPlay, het ’n skrywe aan die onderneming gerig waarin hy reaksie op dié bewerings soek. Hy sê as die maatskappy wel suiker invoer, wil hy weet hoe dit klop met die maatskappy se verbintenis om R3,9 miljard oor drie jaar te bestee aan die aanskaffing van goedere van hoofsaaklik swart ondernemings.
Mnr. Velaphi Ratshefola, besturende direkteur van CCBSA, het aan Baird gesê CCBSA onderneem om voort te gaan om waar moontlik die aanskaffing van plaaslike produksiemiddele, insluitend suiker, te bevorder. Dit is deel van die vereistes wat gestel is toe die Mededingingstribunaal in 2016 die samesmelting van verskeie maatskappye goedgekeur het.
Volgens hom voldoen die maatskappy aan sy verbintenis tot die Mededingingstribunaal en ander belanghebbendes.
CCBSA het teen druktyd nie op opvolgvrae van Landbouweekblad gereageer nie.