HAARFYN pH-BEHEER
CalSap (reg.no. B4543, Wet 36 van 1947) is ’n vloeibare, alkaliese kalsiumbron met ’n pH van 12,5, sê me. Heather Raymond van Tsama Agriculture, wat CalSap uit Australië na Suid-Afrika invoer.
“CalSap word gemaak van kalsitiese kalk. Tydens ’n fermentasieproses genaamd esterifikasie, wat verwarming én verkoeling benodig, word mikrobes en melasse by die kalsitiese kalk gevoeg om die kalk op te breek in kalsium (Ca++), hidroksied (-OH) en koolstofmolekules en -ione. Die ione en molekules is oplosbaar en werk dus baie vinniger as met die normale toediening van kalk. In suur gronde bind waterstofione (H+) aan die gronddeeltjies. Dié waterstofione is die oorsaak van die versuring. Wanneer die CalSap in die grond toegedien word, druk die kalsium-ione (CA++) die waterstofione uit die gronddeeltjies omdat die kalsium sterker magnetisme as die waterstof het. Die hidroksiede wat ook in die oplossings is, bind met die waterstof wat uit die gronddeeltjie gedruk is om water te vorm en die koolstof in die melasse bly dan in die grond agter.”
Tsama Agriculture bied ook ’n veldtoetstoestel waarmee die pH van die hele grondprofiel op die plaas en in die veld getoets kan word. Die dosis van die toediening kan daarvolgens aangepas word om presiese resultate te verseker. Prys: Op aanvraag (wissel na gelang van die wisselkoers).
NAVRAE: Mnr. Jaco Visser, e-pos: jvisser@viking. co.za; sel 082 449 6554.