Dié stewels is gebou om te hou
Wayne is die grootste vervaardiger van rubberstewels in Afrika. Gevolglik staan hy reg met die ideale paar stewels vir elke situasie en bedryf.
Voor ’n mens ’n rubberstewel kan kies, is dit belangrik om te weet in watter omstandighede die verskillende stewels gebruik kan word en hoe om meer myle uit jou stewels te kry. Hier is ’n paar vrae, antwoorde en wenke van Wayne, ’n reusevervaardiger van rubberstewels, oor die ideale paar stewels vir spesifieke take.
WAT IS DIE VERSKIL TUSSEN PU- EN PVCRUBBERSTEWELS?
PVCrubberstewels is veelsydig, duursaam en gee betroubare beskerming teen ’n wye reeks stowwe en bied selfs meer weerstand as poliuretaan (PU) teen sterk sure, olies en chemikalieë wat in sommige landbou en nywerheidsomgewings aanwesig is.
Wayne se wye reeks PUrubberstewels word al hoe gewilder danksy hierdie voordele: ■ Duursamer – hulle hou selfs drie keer langer as PVCrubberstewels; ■ Liggewig; ■ Bestand teen vlekke; ■ Buigsamer; ■ Meer higiënies; en ■ Dit is geriefliker vir die draer.
HOE LANK HOU ’N PAAR STEWELS?
Dit sal afhang van hul toepassing. Gegrond op diepvlakmynwerk, waar stewels aan die ergste moontlike toestande blootgestel word (selfs 12 uur lank per dag), vereis myne ’n skagduur van 90 skofte (omtrent drie maande). In die algemeen oorskry Wayne se rubberstewels dié tydsduur veral as dit goed opgepas is en nie blootgestel word aan fisieke skade of hoë konsentrasies chemikalieë, oplosmiddels of olies nie.
BESTE VERSORGING
Die korrekte en gereelde versorging kan die gebruiksduur van die stewel en die draer se voethigiëne en gerief baie beïnvloed. Alle Waynerubberstewels word vervaardig met ’n gebreide sokvoering van nylon pleks van ’n geborselde nylonvoering. Dit maak dit makliker om die stewels aan die binnekant skoon te maak.
Rubberstewels moet so dikwels as moontlik binne en buite skoongemaak word ten einde die opbou van bakterieë en kieme te vermy.
Reinig die buitekant van die stewel met ’n sagte seep en water. Moet nooit sterk chemikalieë of oplosmiddels gebruik nie omdat dit die stewel bros maak en dit sal laat oopkraak.
Gebruik ’n sagte seep, water en ’n skropborsel om die grondaanpaksels in die sool se looppatroon te verwyder.
Was die stewel se binnekant met ’n sagte reinigingsmiddel en spoel deeglik uit.
Om te droog, sit die stewels buite in regstreekse sonlig waar daar behoorlike lugvloei is. Moet nooit hitte – soos met ’n haardroër – aanwend om die dro gingsproses te versnel nie.
Trek altyd ’n paar sweetabsorberende katoensokkies saam met jou stewels aan.
HOE KIES ’N MENS DIE REGTE STEWEL?
Spesifikasies is teoreties van aard omdat hulle betrekking het op gekontroleerde laboratoriumtoestande en kan derhalwe slegs as ’n riglyn gebruik word. Werksomstandighede wissel en toetse moet dus gedoen word in die spesifieke gebiede waar die stewels gebruik gaan word. Só sal die spesifikasies by die toepassing inskakel.
Staalvoortoonkappe en ondeurdringbare middelsole is uitsonderings omdat dit ontwerp is om volledige voetbeskerming te bied.
Wayne voorsien die landbouen bosboubedryf van méér as net ’n goeie stewel. Sy reeks rubberstewels is ontwerp vir die uiteenlopende risiko’s van hierdie bedrywe. Met so ’n wye keuse rubberstewels vir verskillende omgewings, verskaf Wayne die toepaslike beskerming vir nat en modderige toestande.
Wayne se gerieflike rubberstewels is ontwerp om die oppervlakgevare waarmee werkers elke dag te doen kry, te verduur. Dié stewelvervaardiger loop die tweede myl om wêreldklasdiens en produkte van uitsonderlike gehalte te lewer.