‘Die boer se beste vriend’
Chemvet Staal en Omheining voorsien volledig in boere se behoeftes wat staal, omheinings en strukture betref. Boonop word alles in een vrag afgelewer.
Chemvet word reeds sedert 1979 vertrou as ’n vervaardiger en verspreider van die allerbeste omheinings- en staalprodukte. Die maatskappy kan sy produkte volgens kliënte se spesifieke behoeftes aanpas, sê mnr. Eugene Marais, besturende direkteur van die maatskappy.
“Ná byna 40 suksesvolle jaar in die bedryf het ons ’n goeie reputasie. Dit tel in ons guns dat ons nie noodwendig op massa- produksie toegespits is nie, maar eerder op die gehalte van ons produkte,” sê Marais.
“Boere kan ons kontak en hul idees met ons bespreek. Daarvolgens kan ons dan pasgemaakte produkte aan hulle lewer.”
Chemvet bied vol vragte aan sy klante. Alles word in een vrag en vanaf een verskaffer by boere afgelewer. Chemvet is dus baie kostedoeltreffend.
“’n Boer sal alles by ons kry wat hy vir sy projek nodig het. Ons het baie voorraad in ons reekse draadprodukte, pale, stutte en hekke – nie net om veeheinings te span nie, maar ook vir beveiliging.
“Ons kan ’n boer help met die beplanning en oprigting van pakhuise en strukture, die produkte wat hy daarvoor nodig sal hê, asook die onderhoudswerk.”
Die veiligheidsreeks sluit elektrifisering en kamera- en alarmstelsels in. Chemvet bied ook topgehalte gegalvaniseerde swaardiensmateriaal, wat aan SABS-standaarde voldoen.
“Dit word van ’n dikker materiaal gemaak en het dus ’n langer gebruiksduur omdat dit nie so vinnig roes nie,” sê Marais.
Ondanks die feit dat Suid-Afrika deur swaar ekonomiese tye gepootjie word, staan Chemvet nog sterk. Ná al die jare het die maatskappy ’n groot en diverse klantebasis.
“Chemvet is die boer se vriend in die stad waarop hy altyd kan staatmaak,” sê Marais.