GELEENTHEDE

Die Afrikanerbeestelersgenootskap en sy lede sien baie uit na die genootskap se dinee op 29 Augustus en dan die nasionale veiling die volgende dag op 30 Augustus by die Kroon Boma buite Kroonstad in die Vrystaat. Daar sal van die beste Afrikanerteelmateriaal in aanbod gaan wees. Daar sal 25 Afrikanerbulle en sowat 50 vroulike diere (dragtig, met ’n kalf of 3-in-1’s) wees, asook ’n Afrisim-bul en vroulike Afrisimdiere. Dit gaan ’n veiling wees wat jy nie mag misloop nie.

Wees wys, koop wys, woon die veiling by en koop ’n aanwins vir jou boerdery deur Afrikanergene in jou kudde in te sluit. Navorsing bewys dat jy nie spyt sal wees nie!

Dan is daar die ALFA-byeenkoms van 18-20 September by die Afridome op Parys. Die Afrikaners neem deel aan:

■ Die slagoskompetisie (dankie aan die Landbounavorsingsraad wat die osse vir ons gereed maak);

■ Die oskompetisie (dankie aan mnr. Martin Ras vir sy groot os wat hy inskryf);

■ Vleissentraal se kompetisie vir die beste ras-vers;

■ Nutri Feeds se Moneymaker (beste interraskoei); en

■ Die Leriba People’s Choice Beef Challenge. Ons sien baie uit na dié geleenthede en versoek almal om dit by te woon. Die genootskap sal ook ’n stalletjie by die ALFAbyeenkoms beman.