Diewaardevan dieblokketting

Belanghebbendes in die varsproduktebedryf kan by die PMA se handelskou meer leer oor metodes om gerekenariseerde data met ander gebruikers uit te ruil en te verwerk.

Verstaan jy wat die voordele en probleme is wat nuwe tegnologie, soos blokketting, vir die varsproduktebedryf voortbring?

’n Blokketting is ’n protokol, of ’n metode om gerekenariseerde data op ’n gedesentraliseerde wyse tussen handelsvennote uit te ruil. Só verduidelik me. Lindie Stroebel, algemene bestuurder van PMA Suider-Afrika.

“Wanneer dit toegepas word, sal dit deursigtigheid, datasekerheid en doeltreffendheid verbeter, want dit skuif inligting deur die waardeketting teen dieselfde spoed as wat die produk beweeg.

“Dit kom neer op ’n stel datarekords wat meer word namate die produk aanskuif en data by die verskillende punte van die waardeketting skep. Die rekords word blokke genoem en skakel by mekaar in. Alles is met mekaar verbind. Al die belanghebbendes in die waardeketting voeg meer data (blocks) by die produk se ketting (chain). Almal wat deel is van die ketting het toegang tot die inligting, maar niemand kan daaraan verander nie.”

Só bly die data betroubaar en veilig opgesluit in die ketting. Dit verseker weer naspeurbaarheid.

Op die PMA se Fresh Connections-konferensie en handelskou vir Suider-Afrika gaan mnr. Ed Treacy, ’n blokkettingspesialis, voorbeelde en verwysings gebruik om die praktiese toepassings te verduidelik. Hy sal ook meer verduidelik oor wat die blokketting is en wat dit spesifiek vir die varsproduktebedryf beteken binne die groter raamwerk van digitale transformasie.

Vir die volledige program en onderwerpe wat op die PMA Fresh Connections-konferensie bespreek word, gaan na www.

pma.com, klik op “Events” en kies “Southern Africa”.