Sitrusboere kou harde bene in buiteland
SUID-AFRIKA se sitrus uitvoerseisoen i snou in volle gang en dit kan met ’n enkele woord beskryf word: moeilik.
Só sê mnr. Justin Chadwick, bestuurder van die Suider-Afrikaanse Sitruskwekersvereniging. Hys ê dit het alle smet tydsberekening te doen. Suid-Afrika se pomelo’s het vanjaar effens later ryp geword, wat saam met vroeë nawels ’n bottelnek in die verskepings proses veroorsaak het.
Daar is ook ’n groot aanbod sitrus uit Egipte op die wêreldmark, veral in Europa. Tot dusver vanjaar was daar nog ’n taamlike hoeveelheid Europese somervrugte op dié vasteland se winkelrakke beskikbaar.
Die pryse vir pomelo’s en nawels was tot dusver nie so goed as wat dit kan wees nie. Dit lyk egter of die ergste ooraanbod verby is en die vraag na Suid-Afrikaanse sitrus toeneem.
Chadwick waarsku egter dat baie nuwe Egiptiese aanplantings nou in produksie kom en sê Suid-Afrika kan in die voorsienbare toekoms verwag dat hy met Egiptiese vrugte op die Europese mark sal moet meeding.
OORAANBOD
Wat nawels en Valencia’s betref, het baie boere vanjaar kleiner vrugte weens die droogte. Talle uitvoerders het besluit om hul vrugte eerder na die Midde-Ooste te stuur waar vruggrootte ’n kleiner invloed op pryse het. Dit het egter ’n ooraanbod in die Midde-Ooste teweeg gebring, en pryse is gevolglik daar ook onder druk.
Mnr. Piet Engelbrecht van Piet Citrus naby Marble Hall sê sagtesitrus word nou gepak en boere hoop dat die Europese mark hul vrugte goed sal ontvang. Hy meen ook Valencia’s gaan vanjaar minder mededinging in die buiteland ervaar as nawels.
Chadwick sê die vraag na suurlemoene is vanjaar van die begin af verbasend goed. “Verletariefvry de jaar was daar ’n ooraanbod met die baie nuwe suurlemoenboorde in Suid-Afrika wat in produksie gekom het. Ons het vanjaar ’n moeilike jaar verwag, maar ons suurlemoene verkoop tans goed.”
Ander goeie nuus is dat Suid-Afrika vanjaar ’n rekordoes van 132 miljoen kartonhouers verwag, 9 miljoen meer as verlede jaar. “Die volumes is dus daar en ons verwag dat dit ’n goeie jaar vir ons kwekers gaan wees, ten spyte van die laer pryse.”