Tegnologie
Tegnologie in die landbou maak dit vir boere makliker om meer kos en vesel per hektaar te produseer. Volhoubaarheid en tegnologie in die landbou is daarom pasmaats wat boere winsgewend hou en die res van die bevolking help voed en klee.
Tegnologie – van genetiese ontleding tot selfstuurvoertuie en hommeltuie – is al so lank deel van die landbou as wat die landbou bestaan. Bykans alles wat die mens se lewe makliker maak, is gesetel in vernuwing en tegnologie, en die deurlopende ontwikkeling en verfyning daarvan.
In hierdie fokusafdeling vertel adverteerders meer oor die dienste en produkte – van planters en bakkies tot tegnologie wat help met die genetiese vooruitgang van beesrasse – wat hulle bied om boere winsgewend en vooruitstrewend te hou. Selfs die tegnologie wat by heinings en waterstewels betrokke is, maak van dié alledaagse toerusting en gebruiksartikels beter en sterker produkte wat langer hou en doeltreffender op die plaas werk.
BESPROEIING
Die maatskappy Lindsay Africa, een van die voorlopers in besproeiingstegnologie, ver-
sprei die Zimmatic-reeks in Suid-Afrika. Die tegnologie in die beheerpaneel help met besproeiingsbestuur, afstandbeheer, doeltreffender watergebruik en beter opbrengs per liter besproeiingswater. As ’n waterarm land is dit tegnologie soos dié wat Suid-Afrika se boere help om verantwoordeliker boerderytegnieke te gebruik.
Fredalette Uys, Landbouweekblad se joernalis in die OosKaap, het met ’n boer in die Groot-Visrivierbesproeiingskema gesels oor hoe hy Lindsay Africa se Zimmatic-besproeiingstoerusting gebruik vir doeltreffender waterverbruik.
Om met melkbeeste én wolskape in die Karoo te boer waar jy slegs sowat 300 mm reën per jaar kry, benodig jy die regte besproeiingstoerusting om te verseker dat water optimaal benut word. En om dié skaars hulpbron so doeltreffend moontlik aan te wend, was Zimmatic-besproeiingstegnologie die aangewese