Slaai vir die winter
Slaai hoef nie net in die somer sy verskyning te maak nie. Probeer een van dié vullende winterslaaie uit ons toetskombuis — net reg vir hierdie tyd van die jaar.
bruin en klewerig te wees. Haal dit uit die oond en rooster die botterskorsie vir nog 5-10 minute, indien nodig, tot dit goudbruin gerooster en gaar is. Laat eenkant afkoel. Sit die avokado- en appelblokkies in ’n bak. Klits die bestanddele vir die slaaisous saam en giet oor die avokado en appel (dit sal keer dit dit verbruin). Rangskik die slaaiblare op ’n groot dienbord. Skep die appel- en avokadoblokkies oor die slaaiblare, gevolg deur die geroosterde botterskorsie en die kekerertjies. Krummel die bros spekvleis oor en sprinkel die pekanneute oor. Skep die res van die slaaisous oor en sit dadelik voor. Lewer 4-6 porsies.
Warm hoenderlewerslaai met avokado
Hoenderlewers is vinnig om gaar te maak, bekostigbaar en uiters voedsaam. Dit is boonop heerlik in ’n slaai. Ek hou daarvan om die lewertjies met droë brandrissievlokkies en ’n bietjie gerookte paprika in ’n mengsel van botter en olie te braai tot net-net gaar. Die kombinasie van warm speserye en koel avokado saam met die bros,
peperige blare is smullekker.
250 g hoenderlewers, goed skoongemaak en kleiner gesny indien nodig Sout en vars gemaalde swartpeper na smaak 30 ml olie 15 ml botter 2 ml droë brandrissievlokkies 3 ml gerookte paprika 1 suurlemoen 2 groot hande vol gemengde roket, babaspinasie en bronkors 2 ryp avokado’s, geskil en in wiggies gesny 2 saggekookte eiers, afgedop en in skyfies gesny Ekstra olyfolie en suurlemoensap om oor te drup
Geur die hoenderlewers met sout en peper. Verhit die olie en botter in ’n swaarboompan tot warm en braai die lewers daarin tot goudbruin. Sprinkel die brandrissievlokkies en paprika oor en braai tot die lewers net-net gaar is. Verwyder van die hitte en druk die sap van die suurlemoen oor die lewertjies uit. Laat staan eenkant. Verdeel die blaarslaai tussen twee borde en skep die louwarm hoenderlewers op die blare. Voeg die avokadowiggies by en rond af met die gekookte eiers. Skep ’n bietjie van die paprika-en-suurlemoenolie uit die pan waarin die lewertjies gaargemaak is oor die slaai en sit voor met ekstra olyfolie en suurlemoensap om oor te drup.
Lewer 2 porsies.
Geroosterde beeten-kaasslaai
Die slaai smaak lekker saam met geroosterde hoender- of varkvleis.
Slaai
6 klein, jong bete, gaar gekook en in kwarte gesny 45 ml heuning 45 ml olyfolie Sout en vars gemaalde swartpeper na smaak 3 ml fyn komyn 2 groot hande vol roketblare 250 g buffelmelkmozzarella, in growwe stukke geskeur 200 g sagte fetakaas, grof gekrummel 100 g geroosterde haselneute of amandels, grof gekap
Slaaisous
45 ml appelsap 45 ml olyfolie 45 ml appelasyn Sout en vars gemaalde swartpeper na smaak 5 ml heelkorrelmosterd
Voorverhit die oond tot 200 °C. Pak die beetkwarte in die oondbak. Klits die heuning en olyfolie liggies saam en bedruip die beet daarmee. Besprinkel met sout, peper en komyn en oondrooster vir ongeveer 20-30 minute, of tot die beet gerooster en die sous gekaramelliseer is. Haal uit die oond en laat afkoel.
Pak die roket op ’n dienbord en skep die beet (en die stroop wat gevorm het terwyl dit gerooster het) bo-op. Sprinkel die kaas oor. Klits die bestanddele vir die slaaisous liggies saam en skep ’n bietjie daarvan oor die slaai. Rond af met die geroosterde neute en sit dadelik voor. Lewer 4 porsies.
Peer-en-bloukaasslaai
Hierdie eenvoudige slaai is gelaai met geur en lekkerte. Dit is ’n
slaai wat jy tipies saam met geroosterde varkvleis of hoender sal voorsit. As jy wil, kan jy ’n romerige mosterdslaaisous hieroor drup, maar met ’n bietjie olyfolie en suurlemoensap oorgesprinkel, is dit net so lekker.
45 ml olyfolie 45 ml heuning 1 gerasperde knoffelhuisie 2 ml geroosterde komyn Sout en vars gemaalde swartpeper 3 ryp, maar ferm pere, in wiggies gesny en pitte verwyder 100 g sagte bloukaas, dun gesny 200 g botterslaaiblare of Cos-blaarslaai, grof geskeur Olyfolie en suurlemoensap, om oor te sprinkel
Koeskoes-en-hoenderslaai met geroosterde koejawel en feta
Klits die olyfolie, heuning, knoffel en komyn liggies saam en verhit dit in die mikrogolf, of in ’n kastrolletjie tot louwarm en loperig. Giet die mengsel oor die peerwiggies en skud die bak sodat elke peerwiggie met ’n lagie van die sous bedek is. Braai die peerwiggies in ’n baie warm riffelpan of rooster in die oond onder ’n rooiwarm roosterlement tot die vrugte begin karamelliseer. Laat afkoel.
Meng die bloukaas en slaaiblare in ’n slaaibak en voeg die pere by. Meng liggies deur en besprinkel met ’n bietjie olyfolie en suurlemoensap. Sit dadelik voor. Lewer 4 porsies. ’n Hoenderslaai met ’n verskil. Die soet, geroosterde koejawel saam met die sout feta maak dié slaai werklik iets besonders.
Slaai
4-6 koejawels, in wiggies gesny Olyfolie en balsamiese asyn, vir oondrooster en panbraai 275mlkoeskoes 3 ml elk sout en vars gemaalde swartpeper, plus ekstra 275 ml kookwater 45 ml olyfolie 3 hoenderborsies sonder vel of been, effens platter gekap 1 rooi ui, baie dun gesny 125 ml roketblare, grof gekap 125 ml babaspinasie, grof gekap 125 ml geroosterde neute van jou keuse
Slaaisous
45 ml heuning 45 ml appelasyn 45 ml olyfolie
Voorverhit die oond se roosterelement tot rooiwarm. Pak die koejawelwiggies in ’n oondbak en bedruip liggies met olyfolie en balsamiese asyn. Oondrooster vir vir ’n paar minute tot die koejawels goudbruin begin verkleur, maar nie pap is nie. Haal uit die oond en hou eenkant.
Sit die koeskoes in ’n bak en voeg die sout en peper by. Meng liggies. Voeg die kookwater en olyfolie by. Roer deur en bedek die bak lugdig met kleefplastiek of ’n styfpassende deksel. Laat staan vir 5 minute tot al die water geabsorbeer is. Haal die deksel af en vlok die koeskoes met ’n vurk. Bedek weer losweg en mikrogolf die koeskoes vir 1 minuut op 100% krag (hoog). Haal uit die mikrogolf en laat staan om te stoom.
Geur die hoenderborsies met sout en peper en bedruip liggies met olyfolie. Braai in ’n riffelpan tot goudbruin en deurgaar en sny die hoender in repies. Meng nou die koeskoes, hoender en geroosterde koejawels liggies met die res van die bestanddele.
Klits al die bestanddele vir die slaaisous saam en bedruip die slaai daarmee. Meng liggies deur en sit voor. Lewer 3-4 porsies.