Telers kry voorsprong met genomikaprojek
Genetiese voorspelbaarheid en erfdwang, gekoppel aan beraamde teelwaardes, is die hoof seleksiekriteria waarmee telers hul kuddes en die Brahmanras kan verbeter. Daarvoor is moderne tegnologie nodig.
Hierdie vyfde bylae van die Brahma n bees telersgenootskap bekyk dié beesrasse posisie aan die voorpunt van moderne tegnologie. Die genootskap en sy lede staan reeds sedert die begin van die vleis bees gen o mika projek (VGP) bankvas agter die oogmerk om tegnologie ten bate van die ras in te span. Lees meer daaroor in dié uitgawe wat uitwei oor verskeie aspekte en praktiese ervaring van telers wat deel is van dié projek.
“Die teler moet sy bestuur opknap om sy doelwitte te bereik. Die belangrikste dag in sy lewe is wanneer hy die semen in die koei plaas. As hy daardie dag die verkeerde bul gebruik, verloor hy drie jaar. Die koei gaan ’n jaar nodig hê om weer te kalf en dit gaan
nóg twee jaar wees voor die teler van sy foute ontslae geraak het,” sê mnr. Llewellyn Labuschagne van R10 Brahmane by Letsitele in Limpopo.
Lees meer oor wat hy en ander toptelers doen om hul teelkuddes te onderskei.
GENOMIKAPROJEK
Die VGP het in 2012 op ’n vergadering van die Landbou navorsingsraad in Pretoria ontstaan. Die Brahma n-telersgenootskappe van Suid-Afrika en Namibië het van die begin af besluit om saam aan die projek deel te neem. Die eerste fase van die projek is in April 2015 van stapel gestuur en het op 31 Maart vanjaar ten einde geloop.
In hierdie drie jaar is honderde bulle aan genotipering onderwerp en vir netto voerinname geëvalueer. Karkasmonsters is vir
die meet van vleisgehalte ingedien.
Selfs in hierdie kort tydperk is daar reeds ’n groot verbetering in die akkuraatheid van die teelwaardes van bulle wat as koppelbulle binne die projek gebruik word (bulle wat uitgeruil, verkoop en tussen die VGP-kuddes gebruik word).
“Die belangrikheid van vleiseienskappe het beslis veroorsaak dat stoettelers ernstiger na teelwaardes vir karkaseienskappe kyk wanneer hulle nuwe teelbulle vir hul kuddes aankoop.
“Bulle met goeie teelwaardes én goeie karkas eienskap teelwaardes en wat afkomstig is uit kudde swaar groot klem op seleksie vir karkas eienskappe gelê word, het die afgelope jare goeie pryse behaal,” sê mnr. Jacque Els, bestuurder van die Namibiese Stoet telersvereniging.