SORG VIR DIE UITETERS

Mense het die afgelope paar dekades ál liewer geraak vir uiteet – nie net in restaurante nie, maar ook vir kos wat hulle sommer net so in die loop kan eet.

In baie markte word net soveel geld bestee aan kos wat by die huis geëet word as wat op ander plekke geëet word. Dit is natuurlik gerieflik, maar mense het deesdae minder tyd vir kosinkopies en -voorbereiding. Die aanbod van voorbereide kos en peuselhappies het derhalwe toegeneem, wat die keuses aantrekliker maak.

Navorsing toon dat hierdie neiging allermins gaan afneem, en vars produkte gaan ’n

groter rol speel in geriefskos wat weg van die huis af geniet kan word.

“Daar sal nie net ’n groter vraag na vars bestanddele van gehalte wees nie, maar kos uit die gesondheidskategorie sal ook meer geniet word. Laekalorie- en laevetdiëte het plek gemaak vir natuurliker, minder verwerkte kossoorte en ‘vry van’-kos word nou as die ‘nuwe gesond’ beskou,” lui Oliver Wyman se verslag getiteld ‘‘Disruption in fruit and vegetable distribution’’.

Daar is ’n wye verskeidenheid kanale waar mense kos koop wat weg van die huis af geniet word – van tradisionele winkels selfs muntoutmaatmasjiene. Dit alles bied poten-

siaal aan boere en verskaffers, waaraan hulle dalk nog nooit gedink het nie. Maar die nuwe kanale het ’n goeie dosis kompleksiteit.

“Die skaal van restaurantgroepe maak dit ’n aantreklike kanaal vir verskaffers van vars groente en vrugte om hulle meer gestruktureerd op dié teikengroep toe te spits.”

Die kanaal kan ook maklik op verbruikers se behoeftes reageer. As voorbeeld noem die verslag Vapiano en L’Osteria, twee groepe in Amerika, wat gehalte en oorsprong op hul spyskaart benadruk. Ander groepe, soos 222 Veggie Vegan, Ethos en Hummos Bros, konsentreer weer op gesondheid.

Kleinhandelwinkels bied geriefsopsies wat

(soos organiese alternatiewe) moet volg.

“Ons verwag ’n groter behoefte aan buigsaamheid van produksie en verwerking. Dit gaan hand aan hand met ’n vraag na kleiner eenheidsgroottes en nuwe verpakking.

“Ons sien die grootste potensiaal vir boere en verskaffers in die voorafverwerking van produkte vir die voedseldiensbedryf. Dit kan insluit vars gesnyde produkte, vars vrugteskommels (smoothies) of sappe of die saamstel van maaltydboksies.” Soos die voedseldiens en out-of-homebedrywe se vraag na vars produkte groei, sal boere ook geleenthede kry om hulself as strategiese, kundige vennote te posisioneer.