Rovic Leers bied planters vir Afrika
Bewaringslandbou is vir Rovic Leers nie net ’n filosofie nie, dit is ’n lewenswyse. Daarom ontwikkel dié maatskappy produkte onder sy eie handelsmerk, Rovic, wat daarop toegespits is om die volhoubaarheid van die kommersiële landbou in Suid-Afrika (en die res van Afrika) te meet aan die standaarde van bewaringslandbou.
Rovic Leers se handelsmerk Syncro™ verwys na die strewe om in die ontwerp en toepassing van sy meganisasie-oplossings ’n delikate balans te kry tussen die beskerming van natuurlike hulpbronne (water en grond) en die optimalisering van volhoubare boerdery met die maksimum wins.
Rovic Leers se uitvoerafdeling, Rovic Africa, het onlangs groot deurbrake gemaak met kleinen mediumskaalse boerderye in Kenia deur die ontwikkeling van die Rovic Wajanja-werktuig vir trekkers van tot 70 kW wat stroke grond deurlug.
Die vernietigende landboupraktyke in Afrika, waar gronderosie groot afmetings aanneem, word só doeltreffend beperk.
Op ’n groter skaal is die tegnologie van Rovic se toerusting vir gronddeurlugting in vier kategorieë beskikbaar vir trekkers tot 450 kW, naamlik SUPER19, DLB12, DLB25 en DLB32.
Grondprofiele word op die geselekteerde diepte deurlug met beperkte vermenging van grond in die vertikale profiel. Presies dieselfde tegnologie word gebruik en die resultate vir klein- en groot boere is dus dieselfde.
GROOTGRAANPLANTER
Rovic Leers is trots op sy nuwe reeks Syncroplant™ Rovic-grootgraanplanters (LGP) vir mielies, soja, sonneblom en bone. Modelle is beskikbaar van 12 tot 31 rye met spasiëring van 914 mm, 762 mm en 457 mm wat geskik is om konvensionele, minimumen geenbewerkingstoestande te hanteer. Die boer moet net die behoefte spesifiseer.
Dit skep die geleentheid vir die konvensionele boer om plantertegnologie aan te skaf wat hom sal toelaat om minimum- en geenbewerking stelselmatig in te faseer soos wat hy bewaringsboerdery begin toepas.
Die Rovic LGP-reeks is standaard toegerus met Precision®tegnologie, en alle opsies beskik- baar kan aangebied word. Dit beteken ’n sentrale saadkas of klein graantenk, elektries gedrewe Precision VSET 2®uitmeting, 20/20-prosesbeheerder en GPS-aanpasbaarheid is alles deel van die aanbod. Daar is ’n keuse tussen tand- of skyfprimêre kunsmisplasing.
Die Rovic Syncroplant™ is die mees aanpasbare dog akkurate rygewasplanter op die mark danksy opsionele, individuele drukbeheer per planteenheid.
KLEINGRAANPLANTER
Die Syncroseed™ Rovic-reeks kleingraanplanters (SGP) vir koring, hawer, kanola, lusern en ander fyn saad, is reeds bewys as die leier in bewaringsboerdery vir kleingraan. Die reeks is beskikbaar met tandkunsmisplasing en dubbelrysaai-eenheid of skyfsaai-kombinasies vir minimum- en geenbewerkingstoestande.
Die welbewese en bekende Rovic-reeks strooiers vir die toediening van kunsmis, kalk en organiese materiaal is nou beskikbaar in groottes van tot 10 m3 en ook met kettinguitvoerders. Die keuse tussen grondwiel- of hidrostatiese aandrywing maak dit maklik om toekomstige GPS-aanpasbaarheid te doen.
Rovic Vineyard en Rovic Orchard Evenflow®-tegnologie het reeds in ’n vroeë stadium in die mark die posisie bevestig van uitstekende betroubaarheid en doeltreffendheid. Met ’n gepatenteerde lugsnelheidsprofiel spesifiek vir moderne hoëdigtheidsboorde stel die tegnologie nuwe standaarde in die herwinning van aktiewe bestanddele.
Die 2018-reeks bevat opwindende opgraderings en aanpassings om onderhoud te vergemaklik. Meer gesofistikeerde kalibreerstelsels om foute te beperk is op pad.
Mnr. Marius Ras is Rovic Leers se groep-bemarkingsdirekteur.