Durf moeilike seisoen aan met dié produkte
BASF brei sy toegewy-aan-boerdery-veldtog uit met die aankondiging van nuwe prysverlagings en die bekendstelling van Eragon® ,’n nuwe, vernuwende gewasbeskermingsproduk.
BASF Suid-Afrika was nog altyd toegewy aan boerdery. Dit blyk uit die bekendstelling van nuwe produkte, soos Eragon®, maar ook deur inisiatiewe, soos die volledige transformasie van sy logistieke model en belegging in nuwe tegnologie.
Dié chemiese reus het sy verspreidingsmodel in Suid-Afrika verander en sy pakhuis in Gauteng van Midrand na City Deep verskuif. Die nuwe pakhuis is meer sentraal geleë, en bied groter gerief en beter toegang.
BASF Suid-Afrika se nuwe digitale inisiatiewe sluit in die ontwikkeling van ’n opwindende nuwe toepassing vir gewasbeskerming en ’n belegging in nuwe satellietbeeldsagteware.
“Ons is trots daarop dat ons na die bedryf luister. In onlangse gesprekke met ons klante het ons ’n paar behoeftes en tekortkominge geïdentifiseer. Ons glo dié nuwe inisiatiewe sal waarde by ons totale diensleweringspakket voeg,” sê mnr. Bright Breytenbach, landbousakebestuurder vir Suid-Afrika by BASF.
PRYSVERLAGING
BASF Gewasbeskerming SuidAfrika het in April ’n kosteverlaging van Ceriax®, sy nuutste swamdoder vir kleingraan, aangekondig om veral boere in die droogtegeteisterde Kaapse provinsies by te staan. Die afgelope paar jaar se klimaat en lae mieliepryse dra ook by tot ’n ingewikkelde sake-omgewing vir boere in die somersaaigebied.
BASF ís toegewy aan boerdery en het besluit om mielies ook deel te maak van dié veldtog sy voor- en ná-opkoms-onkruiddoders, Intelex®, Stellar® Star en Campus®, meer bekostigbaar te maak. Boere kan dus steeds die nuutste tegnologie gebruik en ’n hoër opbrengs op hul belegging verseker ondanks ’n moeilike seisoen.
NUWE INNOVASIE
BASF is toegewy aan boerdery deur vernuwende en tegnologies gevorderde oplossings. Intelex® is ’n sprekende voorbeeld daarvan en is ’n revolusionêre vooropkoms-onkruiddoder vir mielies en suikerriet.
BASF Suid-Afrika is nou opgewonde om Eragon® aan die plaaslike mark bekend te stel om onkruid by mielies en sojabone te bestry.
Eragon® lewer vinnige en volledige bekamping van gevestigde breëblaaronkruide vóór aanplanting en staan in die bedryf bekend as ’n onkruiddoder wat lande voor planttyd skoonmaak.
Dié onkruiddoder word aangedryf deur Kixor®, die jongste generasie aktiewe bestanddeel. Dit sal die voorplant-skoonmaak van onkruide drasties verbeter deur sy kragtige blaaraktiwiteit en uitstekende sistemiese werking. Eragon® werk aansienlik vinniger as bestaande oplossings en teen ’n spoed wat nog nie in die voorplant-skoonmaaksegment gesien is nie. Dit bied bekamping van sekere ALS-, triasien- en glifosaatbestande breëblaarbiotipes. Sy uiters lae toedieningsvolume spreek van volhoubaarheid en ’n meer omgewingsvriendelike aanslag.
Eragon® kan ook ná die groeityd toegedien word om onkruide te bekamp wat in die winter gegroei het en moontlike onkruidbesmettings vir die volgende seisoen kan skep.
“Ons is trots daarop om Eragon® as deel van ons miedeur lie- en sojaboon-onkruiddoderportefeulje bekend te stel. Dié middel bring ’n nuwe dimensie na onkruidbestryding vir boere. Dit is merkwaardig om bestryding vanaf net twee dae waar te neem. By BASF is ons opgewonde oor dié werking en ons glo Suid-Afrikaanse boere sal ook wees,” sê mnr. Sean Stiles, rygewas-portefeuljebestuurder van BASF Gewasbeskerming Suid-Afrika.
TEGNIESE INLIGTING
Alle produkregistrasienommers is ingevolge die Wet op Misstowwe, Veevoere, Landboumiddels en Veemiddels (Wet 36 van 1947).
■ Eragon®, reg.nr. L10407, aktiewe bestanddeel: Kixor® 700 g/kg. Gebruik Eragon®met Roundup® of Roundup®Turbo soos per aanwysings op die etiket.
■ Stellar® Star, reg.nr. L9391, aktiewe bestanddele: Topramesoon 50 g/ℓ, dikamba 160 g/ ℓ (versigtig).
■ Intelex® reg.nr. L9895, aktiewe bestanddeel: Kixor® 68 g/ℓ, Dimethenamied-P 600 g/ℓ (versigtig), Kixor® — safloefenasiel.
■ Campus® reg.nr. L8521, aktiewe bestanddeel: Topramesoon 336 g/l.
■ Eragon®, Intelex®, Stellar®Star, Campus® en Kixor® is geregistreerde handelsmerke van BASF.
NAVRAE: Webwerf: www.agro. basf.co.za; tel. 011 203 2400.