Landboumaatskappye
Danksy ’n gesonde deelname aan landbouskoue en boeredae, glimlag veral meganisasie maatskappye breed. Met’ n goeie seisoen agter die rug vir die somersaaigebied, lyk dit of bedryfsmiddele in die tweede helfte van die jaar goed sal verkoop.
Die Suid-Afrikaanse Landbou masjinerie assosiasie( S alma) se verkoopsyfers van trekkers en stropers vir Junie vanjaar dui daarop dat landboumaatskappye flink sake doen.
Vir landbouskoue, soos die nuwe Kaapse Nampo op Bredasdorp (12-14 September), is dit goeie nuus.
Winterreën het reeds wydverspreide verligting gebring vir droogtegeteisterde boere in die Wes- en Suid-Kaap en koring-, gars en kanolalande lyk of dit ’n goeie oes sal oplewer.
“Skuld is egter ’n bekommernis vir talle boere,” het mnr. Wes sel L emmer, senior landbou ekonoom van Ab s a-A gr i besigheid, by dié bank se landbou vooruitskouing op 1 Augustus gesê. Hy maan dat boere die aankoop van nuwe trekkers en stropers met die nodige versigtigheid moet benader.
HOOP EN REËN
Die kleinhandel verkope van landbou masjinerie duiwel op optimisme in reaksie op beter opbrengste en die hoop wat reën bring.
Salma se verslag dui aan trekkerverkope van 569 eenhede in Junie vanjaar is byna 19% meer as die 479 eenhede wat in Junie 2017 verkoop is. Trekkerverkope vir die eerste vyf maande van vanjaar was sowat 12% hoër as verkope vir die ooreenstemmende tydperk verlede jaar.
Met somerreën wat laat in groot dele van die binneland geval het, het die strooptyd vanjaar effens voete gesleep. Nietemin het die verkope van stropers vanjaar fluks gevorder teenoor dieselfde tyd verlede jaar. Stroperverkope van 25 een- hede in Junie is 5 eenhede meer as die 20 eenhede wat in Junie verlede jaar gekoop is.
Mnr. Lucas Groenewald, voorsitter van Salma, sê trekkerverkope bly goed in ’n mark wat ál mededingender geword het. Die algehele oesvooruitsigte lyk goed met die grootste sojaboonoes nóg. Meer as 1,5 miljoen ton word verwag. Die mielie-oes lyk ook goed en sal waarskynlik by 13 miljoen ton draai. Ondanks die swakker rand bly graanpryse onder druk en dit sal boere se kontantvloei raak.
Trekkerverkope sal na raming vanjaar effens meer wees as in 2017. Salma beraam dat sowat 6 500 tot 6 750 trekkers vanjaar verkoop sal word.