VERSTEDELIKING
In 1870 was 80% van die Amerikaanse bevolking by die landbou op die platteland betrokke. Vandag is die grootste deel van die Amerikaanse bevolking verstedelik. Minder as 2% van die bevolking is by die landbou betrokke. Tog verskaf daardie 2% met moderne metodes genoeg voedsel vir ál die verstedelikte Amerikaners.
In Afrika boer meer as 80% van alle landbouers op plasies van 2 hektaar en kleiner. Daarom is die meeste landbouers bestaans- boere wat net vir hom of haar en die gesin kos lewer. Waar Afrika steeds vinniger verstedelik, skep dit groot voedseltekorte. Van die Afrika-lande suid van die Sahara het 35 geen voedselsekerheid nie en moet kos invoer.
Suid-Afrika gaan binne enkele jare 70% verstedelik wees. Wil ons terugbeweeg na bestaansboerdery of eerder in die behoefte aan grond in die stede
voorsien? Daarom moet stedelike inwoners so gou moontlik titelaktes kry daar waar hulle woon.
Mondli Makhanya, vorige redakteur van die Sunday Times, som dit só op: “We are wasting valuable time and energy trying to restore people to their peasant ways. Ordinary South Africans either do not want land or just do not have the capacity to work it. They want to go to cities and work in a modern economy.
“Large-scale, highly mechanised commercial farming is now the way of the world. You cannot turn the clock back four decades. That is just the reality. Furthermore, the young people, as has happened elsewhere, have simply upped and headed for the towns and cities. Yet we continue to nurse the notion that we can reverse the inevitable march to an urban future. We keep wanting to fight the logic of large-scale commercial farming.
“The money and energy that is spent on getting peasants back into subsistence (farming) would be better used to create a strong class of black commercial far- mers who actually do farm for commercial rather than sentimental reasons.” (Sunday Times, 28 Februarie 2010.)
Minder blamering en meer waardering is vir ons kommersiële boere nodig.
Die ongeveer 34 000 wit en swart kommersiële boere lewer tans 95% van Suid-Afrika se kos. Hulle is minder as 0,07% van die bevolking, maar maak dat die land een van die min lande in Afrika met voedselsekerheid is. Hulle is die grootste werkskeppers vir veral ongeskoolde werkers en betaal salarisse aan ongeveer 800 000 mense. Met hul bedrywighede hou hulle die ekonomie van landelike dorpe aan die gang, terwyl hulle terselfdertyd waardevolle buitelandse valuta vir Suid-Afrika verdien.
Omdat die Regering hierdie boere deurlopend in die spervuur plaas, word ’n klimaat van totale onsekerheid, asook vyandigheid, geskep. Dit dra beslis by tot die groot aantal plaasmoorde.
Die Regering en die deelnemers aan die openbare sittings gaan op die harde manier leer dat die wysiging van die Grondwet en die onteiening van grond nie die kortpad uit armoede is nie. Inteendeel. Die enigste kortpad uit armoede is om die lotto te wen. Al die ander paaie verg tyd en sluit werkskepping, beleggings, titelaktes en harde werk in.