Ri­chmond­se boer pres­teer on­danks droog­te

Landbouweekblad - - Nuus - — JOHAN NORVAL

’N VEEBOER uit die dor­re Ka­roo is van­jaar die streek­wen­ner wat die Noord-Kaap in Toyo­ta se Jongboer van die Jaar-kompetisie ver­teen­woor­dig.

Mnr. Van Zyl Nau­dé van die plaas Nie­kerks­fon­tein, Ri­chmond, is op die jaar­kon­gres van A­gri Noord-Kaap in Kim­ber­ley as die streek­wen­ner en die ge­bied se Veeboer van die Jaar aan­ge­wys.

Die naas­wen­ner is mnr. Da­nie Fou­rie, ’n be­sproei­ings­boer van die plaas S­pook­land, Doug­las, wat die Noord-Kaap se Be­sproei­ings­boer van die Jaar is.

Nau­dé is een van sy

ge­meen­skap se voor­slag­le­de wat on­der meer die dorp se jaar­lik­se veld­skou re­ël.

Hy het ook mee­ge­help dat die na­si­o­na­le Me­ri­no-veld­skou, die Me­ri­no Clas­sic, van 13 tot 15 Fe­bru­a­rie aan­staan­de jaar ty­dens die Ri­chmond-skou aan­ge­bied word.

Sy plaas van meer as 10 000 ha met na­tuur­li­ke bos­sie- en gras­veld is aan die rand van die Bo-Ka­roo ge­leë, dig­by die S­neeu­ber­ge. Sy vleis­bees­ver­tak­king maak so­wat 13% van sy boer­de­ry­in­kom­ste uit en Geel­bek-Me­ri­no’s die res.

STUDIEGROEPE

Nau­dé ge­bruik sy be­trok­ken­heid by die stu­die­groep van die Na­si­o­na­le Wol­kwe­kers­ver­e­ni­ging in sy om­ge­wing as ba­ro­me­ter van sy vor­de­ring op die plaas en steun die or­ga­ni­sa­sie ak­tief.

Sy hoof­saak­lik droë om­ge­wing laat hom nie toe om fyn wol te kweek nie. Hy spits hom dus toe op wol van so­wat 20 mi­kron wat sy trek­sterk­te kan be­hou.

Die ver­hou­ding tus­sen wol- en vleis­in­kom­ste be­loop tans 55:45, maar hy pro­beer nou om re­pro­duk­sie te ver­hoog. Die e­lek­tri­fi­se­ring van lam­mer­kam­pe teen ska­de­li­ke die­re is een van die stap­pe om die boer­de­ry se lam­per­sen­ta­sie te ver­hoog.

FOTO: JOHAN NORVAL

Mnr. Van Zyl Nau­dé

Newspapers in Afrikaans

Newspapers from South Africa

© PressReader. All rights reserved.