Op facebook
GROND: HIER IS RAMAPHOSA SE RAADGEWENDE PANEEL
Pres. Cyril Ramaphosa het die name bekend gemaak van ’n adviespaneel wat die interministeriële komitee oor grondhervorming, onder leiding van adj.pres. David Mabuza, sal bystaan. Die paneel bestaan uit tien lede en sal die komitee raad gee oor beleidskwessies wat met grondhervorming te doen het, soos restitusie, herverdeling, sekerheid van verblyfreg en landbousteun aan nuwe boere. ANTOON ROODT skryf: En só besluit “hulle” oor die eiendom van ander. Ek is jammer, maar as saamgespan en gekonkel word oor hoe om “wettiglik” die
eiendom van die een te steel en aan die ander te gee, dan is dit net daar waar ek van die bus afklim. HANNETJIE MACMILLAN skryf: Dit is meestal mense met baie jare se ondervinding in grondverdeling — met ander woorde hulle het tot dusver grootliks drooggemaak. Jammer, ek stel nie my vertroue in hulle nie en ek verwag geen wonderwerke van hul kant af nie. THEO NAUDÉ skryf: Jakkals pas skape op . . .
BOERE GEBRUIK HELIKOPTER OM RYP TE BEVEG
Ryp kan groot skade aan wingerde veroorsaak. Wingerd- en vrugteboere gebruik verskeie metodes om hul wingerde of boorde te beskerm. Een van die metodes wat die span van die Springfield-landgoed in die distrik Robertson gebruik, is om ’n helikopter laag oor hul wingerde te laat vlieg. Die beweging van die helikopter se rotorlem veroorsaak dat warmer lug en kouer lug op verskillende hoogtes met mekaar meng. Dit help om ryp by die wingerde te voorkom.
RITA ANNANDALE skryf: Ek het iewers ’n storie gelees dat hulle in Italië in die ou dae vure aangesteek het om ryp te keer. NIEL SCHREUDER skryf: Ons doen dit gereeld hier in Nieu-Seeland. As jou wingerde nie outomatiese waaiers het nie, kan ’n helikopter jou gemiddeld $1 980 per uur kos.
oop- en toemaak van drinkplekke ten einde ’n soort wisselweidingeffek te skep. Die doeltreffendheid daarvan sal deur die oppervlakte van die omheinde gebiede bepaal word.
’n Beesboer wat die veld in ’n produktiewe toestand hou, soos hierbo uiteengesit, lewer myns insiens ’n groter bydrae tot natuurbewaring as ’n wildboer met ’n oorbenutte plaas.
Ten slotte is dit belangrik om in gedagte te hou dat daar met gras en water (goeie grondbedekking bevorder immers waterindringing) geboer word, en nie met wild of beeste nie. DR. PIETER DE VILLIERS Brief per e-pos ontvang.
EN TOE SIEN CYRIL DIELIG...
Een van die min dinge van regeringskant waaroor ’n mens verheug kan wees, is die besluit van pres. Cyril Ramaphosa dat mnr. Nick Serfontein, voorsitter van die Sernick-groep, hom moet aansluit by ’n paneel kundiges wat die interministriële komitee oor grondhervorming moet raad gee.
Serfontein het onlangs in ’n ope brief aan Ramaphosa gevra dat kommersiële boere by die grondhervormingsproses betrek moet word.
Dit is hoog tyd dat ervare kundiges betrek word by regeringsprojekte, aangesien feitlik ál die mislukkings van munisipaliteite tot by die Kabinet te wyte is aan onervarendheid, onbevoegdheid, onverantwoordelikheid en natuurlik korrupsie.
Grondhervorming is so ’n uiters belangrike saak wat tot elke prys moet slaag, dat jy dit nie kan toevertrou aan onkundige, voortvarende staatsamptenare nie. Dit is dus goed dat die ANC vir eers vergeet van valse trots en ’n weersin in wit boere en doen wat voordelig is vir Suid-Afrika en sy mense.
Ramaphosa kan selfs nog verder gaan om sukses te waarborg deur wit kommersiële boere op groot skaal as mentors vir nuwelingboere te gebruik. Was daar dan geen suksesverhale onder swart nuwelingboere nie? Daar wás, maar nie waarby die Regering betrokke was nie. IZAK BERGH Marchand