‘WYS WATER MET WETENSKAP’

Wetenskaplike metodes bly die beste manier om akkuraat vaste stel waar’ n droogtegeteisterde pla asse grondwater-are vir die presisiesink van boorgate lê.

Vergeet maar van die hoed-, waterbottel-, wiggel-en koperdraad metodes.

Só sê mnr. Japie Kleynhans van die onderneming MSG Eksplorasie op Jan Kempdorp.

Hy meen water wy smet die hulp van elektroniese satelliet skandering is die oplossing vir die watertekorte wat Suid-Afrika en die wêreld in die gesig staar.

Volgens Kleynhans het hy ’n program vir gevorderde satelliet afstandswaarneming vanaf die Amerikaanse ruimte-agentskap Nasa bekom. Hy ontwikkel dit nou al die afgelope agt jaar om nie net waterryke breuke op te spoor nie, maar ook groot gebiede te identifiseer waar formasies met diamante, goud, ystererts en ander minerale op plase voorkom.

Volgens hom is dit die enigste program in sy soort wat in Suid-Afrika beskikbaar is.

Kleynhans verduidelik dat geohidrologie te make het met die verspreiding en beweging van grondwater.

“Waar water op die aarde se oppervlak altyd vanweë gravitasie vanaf ’n hoër punt na ’n laer punt vloei, sal grondwater vanweë drukgradiënte vanaf ’n punt van hoë druk na ’n punt van lae druk vloei.

“Dit is waar breuke en gange in die aardkors ’n belangrike rol speel.”

Hy sê satellietwaarneming, soos wat MSG gebruik, word al sedert die begin van die 21ste eeu gebruik om seker te maak boorgate word met koördinaatplasings in waterryke breuke en krake gesink.