MONITOR ONKRUIDE MET KAMERAS

Enige saaiboer sal beaam dat die doeltreffende gebruik van onkruiddoders ’n duur probleem is. Die regte tydsberekening van bespuitings en weerstand teen onkruiddoders maak die taak nóg moeiliker. WeedIt bied ’n oplossing vir hierdie probleme en maak ’n besparing van tot 90% moontlik, na gelang van die onkruiddruk.

Hierdie tegnologie sluit in monitering van onkruide met behulp van kameras. Die kameras skyn rooi ligte op die grond wat deur die chlo rofilkomponent van lewende plante weerkaats word om sodoende spesifieke kanale in die kamera te aktiveer wat daarvolgens die spuitkoppe vir akkurate bespuiting rig.

Onkruiddoders word volgens die standaardmetode teen 300 liter/ha gespuit. Met Weedit se gerigte bespuitings tegnologie is dit moontlik om met 30 liter/ha weg te kom; ’n besparing van tot 90%.

Weens onkruiddoders se hoë koste wag die boer in die praktyk vir onkruid en opslag om op te kom voordat hy ’n bespuiting doen. Dit lei egter tot onkruide wat aansienlik groter en sterker is en sodoende ’n hoër dosis onkruiddoder benodig om doeltreffend te wees. Sulke onkruide wat nie vrek nie, kanto t onkruiddoder weerstand lei.

WeedIt kan onkruide van net 2 cm² teen ’n grondspoed van 25 km/h identifiseer en akkuraat bespuit. Die oppervlak toestande en bestendigheid van die spuitbalk is uiteraard ’n bepalende faktor. WeedIt se stelsels kan op bestaande spuitbalke gemonteer word of ’n doelgemaakte spuit kan gebou word. Prys: Die koste is vanaf R69 per lopende meter op spuitbalke van 30 m en langer tot R86,50 op spuitbalke van 10 m.

NAVRAE: Mnre. Johan Reichel (Noord-, Wes- en Suid-Kaap), sel 083 672 0121; Jonathan Francisco (Noordwes, Limpopo en Noord-Vrystaat), sel 082 7076051 ; Chris le Roux (Gauteng, Mpumalanga en Noord-KwaZulu-Natal) sel 082 787 6718; Lourens Janse van Rensburg (Vrystaat, KwaZulu-Natal en OosKaap), sel 082 859 5982.