2 ANGOLA & NAMIBIË | Sonde met die boere

Angolese amptenare beskuldig Namibiese boere wat hul vee in die grensgebied tussen die twee lande laat wei, van onwettige beweiding, mynbou, houtkappery, kinderarbeid en stropery.

Dié beweringe het onlangs aan die lig gekom op ’n vergadering tussen boere en amptenare in die distrik Ohangwena in Namibië nadat Namibiese amptenare daarvan te hore gekom het.

Mnr. Usko Nghaamwa, distriksgoewerneur van Ohangwena, het gewaarsku die Angolese regering sal geen keuse hê as om dié boere se weidingsregte op te skort as hulle voortgaan om Angola se wette te oortree nie.

Hy het bygevoeg dat geen wetlike weidingsooreenkoms tussen die twee lande bestaan nie.

Namibiërs gebruik dus die grond op hul eie risiko. –