2 FRANKRYK | Carrefour klim op IBM se blokketting-wa
Die Franse multinasionale kleinhandelaar Carrefour het aangesluit by die inligtingstegnologie-maatskappy IBM se Food Trust-blokkettingnetwerk. Sy plan is om teen 2022 die naspeurbaarheid van sekere kosprodukte na alle Carrefour-handelsmerke uit te brei. ’n Aantal kleinhandelaars, logistieke maatskappye en boere werk reeds met dié tegnologie. Die deelname van Europa se grootste kleinhandelaar sal help om kos binne sekondes na die bron terug te speur.
Dié stap van Carrefour kom enkele weke ná sy Amerikaanse eweknie Walmart aangekondig het dat alle verskaffers van blaargroente digitale punt-tot-punt-naspeurbaarheid met IBM se Food Trust-tegnologie moet aanwys. Walmart het die afgelope 18 maande die tegnologie met die samewerking van IBM en talle verskaffers getoets en hoop om alle nodige stelsels teen die einde van die jaar gereedtehê.