Wes-Kaapse broers is SA se topgraanboere
DIE broers Dirkie en Johan van As van Swellendam in die WesKaap is vanjaar Graan SA en Syngenta se Graanboer van die Jaar. Hulle boer sedert 1985 in die familieboerdery op hul plaas, Kinko, en verbou kanola, gars, koring en lusern. Daar is ook ’n veevertakking bestaande uit stoet- en kommersiële Merino’s.
Die ander finaliste in dié kategorie was: Die Van Zyl-familietrust, bestaande uit mnre. Theo, Cobus en Theo jr. van Zyl, wat op die plaas Prairie by Ladybrand in die Vrystaat boer. Die Van Zyls boer met mielies, sonneblomme, sojabone en aangeplante weidings op droëland. Mnre. Louis sr., Louis jr. en Jaco Wilken wat op die plaas Juriesbaken naby Middelburg in die Oos-Kaap boer. Hoewel die boerdery aanvanklik op Douglas in die Noord-Kaap gestig is, boer die familie sedert 2004 in die Oos-Kaap met koring, mielies, uie, aartappels, lusern, pampoene en Me. Jenette Thembi Shoba van die Gert Sibande-distrik in Mpumalanga is as die Bestaansboer van die Jaar aangewys. Mnr. Nhlanhla Sicelo Mngadi van Estcourt in KwaZulu-Natal is die Kleinboer van die Jaar. Mnr. Paulus Mosia van Edenville in die Vrystaat is die Potensiële Kommersiële Boer van die Jaar, en mnr. Jeremia Makhosini Mathebula van Amersfoort in Mpumalanga is die Nuwe EraKommersiële Boer van die Jaar.
SKOUBUL